Прамовы і інтэрв’ю

Лукашэнка: мір на еўразійскай прасторы павінен быць не марай або лозунгам, а рэальнасцю

1 верасня, Цяньцзінь /Кар. БЕЛТА/. Мір на еўразійскай прасторы павінен быць не марай або лозунгам, а рэальнасцю. Аб гэтым кіраўнік дзяржавы заявіў на пасяджэнні Савета кіраўнікоў дзяржаў Шанхайскай арганізацыі супрацоўніцтва (ШАС) у фармаце "ШАС плюс", перадае карэспандэнт БЕЛТА.

"Мір на еўразійскай прасторы павінен быць не марай або лозунгам, а рэальнасцю. Любыя аднабаковыя агрэсіўныя дзеянні, накіраваныя супраць суверэнных дзяржаў, недапушчальны і небяспечны. Яны дэстабілізуюць абстаноўку і падрываюць асновы міжнароднага права. Асабліва хачу падкрэсліць, што мы такія канфлікты ні ў якім разе не павінны правакаваць", - сказаў кіраўнік беларускай дзяржавы.

Ён выступіў за ўдасканаленне механізмаў ШАС па процідзеянні пагрозам і выклікам бяспецы, а таксама за ўзмацненне каардынацыі па лініі спецслужбаў і абаронных ведамстваў. Беларусь падтрымлівае ініцыятывы ШАС па сумеснай барацьбе з тэрарызмам, кіберпагрозамі, транснацыянальнай злачыннасцю.

"Менавіта краінам, якіх аб'ядноўвае "шанхайскі дух", пад сілу адыгрываць актыўную ролю ў прадухіленні канфліктаў і пашырэнні мірнага дыялогу", - упэўнены кіраўнік дзяржавы.

версія для друку

зрабіць стартавай

дабавіць у выбранае