Прамовы і інтэрв’ю

Лукашэнка: Лівія, якая стала на шлях развіцця, забяспечыць мір i спакой палове Афрыканскага кантынента

21 кастрычніка, Мінск /Кар. БЕЛТА/. Лівія, якая стала на шлях развіцця, забяспечыць мір і спакой палове Афрыканскага кантынента. Аб гэтым Прэзідэнт Беларусі Аляксандр Лукашэнка заявіў на сустрэчы з намеснікам галоўнакамандуючага Лівійскай нацыянальнай арміяй Садамам Халіфой Хафтарам, перадае карэспандэнт БЕЛТА.

"Вельмі добра ведаю пра сітуацыю ў Лівіі. Мы паглыблены ў тое, што адбываецца. Ведаю, што многія сілы як унутры, так і звонку (асабліва звонку) хацелі ўплываць на сітуацыю. Але павінен сказаць, што народ Лівіі выбера той шлях і тых людзей, якія накормяць, апрануць і забяспечаць бяспеку лівійскаму народу. Я ведаю, што вы нацэлены на тое, каб прынесці лівійскаму народу мір і спакой і аб'яднаць у адзінае цэлае лівійскую дзяржаву. Мы ў гэтым плане гатовы з вамі працаваць дзень і ноч, - сказаў кіраўнік дзяржавы. - У гэтым напрамку любыя вашы прапановы. Калі мы здольныя да чаго-небудзь, мы акажам усялякую дапамогу і падтрымку лівійскаму народу".

"Мы ў гэтым зацікаўлены яшчэ і таму, што калі будзе спакойная і развітая Лівія, то яна забяспечыць мір і спакой палове Афрыканскага кантынента. Будзьце ўпэўненыя, што вы прыехалі да сяброў", - дадаў Аляксандр Лукашэнка.

версія для друку

зрабіць стартавай

дабавіць у выбранае