Прамовы і інтэрв’ю

Лукашэнка i Пуцін пагаварылі па тэлефоне i абмяняліся віншаваннямі з Вялікаднем

Фота з архiва

12 красавіка, Мінск /Кар. БЕЛТА/. Прэзідэнты Беларусі і Расіі Аляксандр Лукашэнка і Уладзімір Пуцін 12 красавіка правялі тэлефонную размову. Аб гэтым БЕЛТА паведамілі ў прэс-службе беларускага лідара.

Кіраўнікі дзяржаў абмяняліся віншаваннямі са светлым святам Вялікадня, перадалі цёплыя пажаданні здароўя і дабрабыту родным і блізкім, самыя добрыя словы і пажаданні міру і дабра - народам дзвюх краін.

Прэзідэнты абмеркавалі актуальныя пытанні ў галіне двухбаковых адносін, будучыя кантакты на вышэйшым узроўні.

Асаблівая ўвага ўдзелена падрыхтоўцы чарговага Форуму рэгіёнаў Беларусі і Расіі, які пройдзе ў чэрвені ў Мінску і Мінскай вобласці і будзе прысвечаны тэматыцы эканамічнага ўзаемадзеяння.

Аляксандр Лукашэнка і Уладзімір Пуцін абмеркавалі рэгіянальную і міжнародную праблематыку, асноўныя пытанні сусветнага парадку дня.

Прэзідэнты ўдзялілі ўвагу тэме супрацоўніцтва ў тройцы Беларусь - Расія - КНДР. Па выніках афіцыйнага візіту Прэзідэнта Беларусі ў Карэйскую Народна-Дэмакратычную Рэспубліку вызначаны пул перспектыўных напрамкаў супрацоўніцтва. У сённяшняй размове абмяркоўвалася магчымасць рэалізацыі шэрага праектаў у трохбаковым фармаце.

Кіраўнік беларускай дзяржавы пацвердзіў свой удзел у маючым адбыцца Парадзе ў Маскве з нагоды Дня Перамогі.

версія для друку

зрабіць стартавай

дабавіць у выбранае