Прамовы і інтэрв’ю

10 Ліп 2025

Лукашэнка: голас "Славянскага базару" - гэта голас за мір i дружбу паміж народамі

10 ліпеня, Віцебск /Кар. БЕЛТА/. Голас фестывалю "Славянскі базар у Віцебску" - гэта голас за мір і дружбу паміж народамі. Аб гэтым Прэзідэнт Беларусі Аляксандр Лукашэнка заявіў 10 ліпеня на цырымоніі ўрачыстага адкрыцця ХХХІV Міжнароднага фестывалю мастацтваў "Славянскі базар у Віцебску", перадае карэспандэнт БЕЛТА.

Пад купалам Летняга амфітэатра ў Віцебску штогод сустракаюцца таленавітыя выканаўцы з розных краін. І кожны год, падкрэсліў Аляксандр Лукашэнка, тут пануе атмасфера дружбы і павагі.

"У гэтым сутнасць усёй нашай палітыкі. Гавораць, "Славянскі базар" па-за палітыкай. Не. Гэта самая галоўная палітыка. Гэта вытокі той палітыкі, якую мы, кіраўнікі дзяржаў (не толькі славянскіх, як мы ўжо бачым, народаў), будзем рэалізоўваць. Адсюль усё пачынаецца. Таму гэта вялікая палітыка. Без ксенафобіі, без усялякіх забабонаў. Шчыра і адкрыта", - заявіў беларускі лідар.

"Мы ведаем, што пасля завяршэння свята тысячы ўдзельнікаў і яго гасцей вернуцца дадому, упэўнены, натхнёныя атмасферай нашага фестывалю. Яны будуць дзяліцца сваімі ўражаннямі з сябрамі, роднымі, блізкімі. Гэта і ёсць голас фестывалю, голас за мір і дружбу паміж народамі. Ён павінен быць пачуты. І ён абавязкова будзе пачуты, нават тымі, хто аглух і слухаць не хоча", - перакананы беларускі лідар.