Прамовы і інтэрв’ю

Лукашэнка: галоўнае пытанне ў нас i ў Расіі - справядлівасць

14 ліпеня, Мінск /Кар. БЕЛТА/. Галоўнае пытанне ў Беларусі і Расіі - справядлівасць, якой хочуць людзі. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Санкт-Пецярбурга Аляксандрам Бягловым, разважаючы на тэму цэнаўтварэння, перадае карэспандэнт БЕЛТА.

Кіраўнік дзяржавы расказаў, што ў Беларусі прымаюцца меры, каб цэнаўтварэнне было справядлівым і задавальняла ўсіх па ланцужку, у тым ліку вытворцаў, перапрацоўшчыкаў, гандаль і спажыўцоў.

"Цяпер галоўнае пытанне ў нас і ў Расіі - справядлівасць. Людзі хочуць справядлівасці. Яны далёкія ад нашай гэтай эканомікі. Гэта ім і не трэба. Але яны хочуць справядлівасці. Каб, прыйшоўшы ў магазін, ён не адчуваў сябе як у музеі - паглядзеў на "экспанат" і пайшоў, таму што ў кішэні няма грошай, - падкрэсліў беларускі лідар. - Я абсалютна ўпэўнены, што і Расія да гэтага прыйдзе. Нашы народы славянскія - Украіна, Беларусь, Расія перш за ўсё - яны несправядлівасці не пацерпяць. Хочам мы гэтага ці не, мы вымушаны будзем гэту справядлівасць ствараць. Неабавязкова такім шляхам. Нейкім іншым".

"На гэтых прынцыпах мы заўсёды працавалі. І бачу, што гэта дае свой плён і ў Піцеры. Абяцаю вам, пры нашай дамоўленасці, будзем дакладна выконваць свае абавязацельствы", - дадаў Аляксандр Лукашэнка.

версія для друку

зрабіць стартавай

дабавіць у выбранае