Прамовы і інтэрв’ю

Лукашэнка дапускае, што Трамп праз Беларусь можа наладзіць адносіны з Расіяй

19 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка дапускае варыянт, пры якім Прэзідэнт ЗША Дональд Трамп можа наладзіць адносіны з Масквой праз перагаворы з Мінскам. Аб гэтым кіраўнік дзяржавы заявіў у інтэрв'ю тэлеканалу RT, перадае карэспандэнт БЕЛТА.

Размова ў інтэрв'ю зайшла пра беларуска-амерыканскія перагаворы. Журналіст RT пацікавіўся, ці магчыма такое, што канчатковая мэта Дональда Трампа - дамовіцца з Масквой. Іншакш кажучы, ці можа пазітыўная дынаміка ў беларуска-амерыканскіх перагаворах прадоўжыцца ўжо ў дыялогу ЗША і Расіі.

"Не ведаю, але я быў бы рады, калі б Дональд Трамп у канчатковым выніку за нашымі размовамі і перагаворамі бачыў значна больш. Таму, я думаю, гэта цалкам магчыма, - дапусціў кіраўнік беларускай дзяржавы. - Можа, ён прашчупвае нейкую пазіцыю Беларусі, праецыруе яе на Расію. Гэта было б нармальна і разумна. Прынамсі, мы будзем для гэтага рабіць усё".

Аляксандр Лукашэнка падкрэсліў, што і для Беларусі гэта быў бы добры варыянт развіцця падзей: "Калі вы дамовіцеся, амерыканцы з Расіяй, то для нас гэта будзе ў два разы лепш, чым вы дамовіцеся з намі".

Прэзідэнт дадаў, што цяпер у Вашынгтона ёсць удачная магчымасць наладзіць дыялог з Масквой. "Вам трэба дамовіцца з Расіяй, і вы можаце дамовіцца, асабліва ў прэзідэнцтва Пуціна. Гэта такі чалавек, з якім можна не проста размаўляць, а дамаўляцца. Але трэба дакладна разумець: паабяцаў - трэба зрабіць", - падкрэсліў ён.

версія для друку

зрабіць стартавай

дабавіць у выбранае