Прамовы і інтэрв’ю
Лукашэнка: Бягучы год у развіцці беларуска-кітайскіх адносін характарызуецца актыўным развіццём дыялогу
1 кастрычніка, Мінск /Аліна Грышкевіч - БЕЛТА/. Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста павіншаваў Старшыню КНР Сі Цзіньпіна і дружалюбны кітайскі народ з 66-й гадавінай абвяшчэння Кітайскай Народнай Рэспублікі. Аб гэтым БЕЛТА паведамілі ў прэс-службе беларускага лідара.
У віншаванні гаворыцца, што ў бягучым годзе гэта свята мае непасрэднае дачыненне да юбілейнай даты - 70-годдзя заканчэння Другой сусветнай вайны і перамогі кітайскага народа ў Вайне супраціўлення японскім захопнікам.
Аляксандр Лукашэнка адзначыў, што для яго было вялікім гонарам наведаць урачыстыя мерапрыемствы ў Пекіне ў верасні 2015 года і аддаць даніну павагі памяці мільёнаў жыхароў Кітая, якія гераічна змагаліся за вызваленне сваёй Радзімы і загінулі ў барацьбе з агрэсарамі.
Прэзідэнт Беларусі падкрэсліў, што сёння пад мудрым кіраўніцтвам Сі Цзіньпіна ўмацоўваецца аўтарытэт Кітая на міжнароднай арэне, прымнажаецца дабрабыт кітайскага народа, краіна праводзіць важныя для яе будучыні рэформы.
«Бягучы год у развіцці беларуска-кітайскіх адносін характарызуецца актыўным развіццём дыялогу на вышэйшым і высокім узроўнях, новай дынамікай кантактаў паміж рэгіёнамі, прадпрыемствамі і арганізацыямі дзвюх краін, інтэнсіўным культурным, навуковым, гуманітарным абменам», - гаворыцца ў віншаванні.
Прэзідэнт Беларусі выказаў упэўненасць, што той імпульс, які надалі двухбаковаму супрацоўніцтву афіцыйны візіт Старшыні КНР у Рэспубліку Беларусь у маі 2015 года і наступныя кантакты на вышэйшым узроўні, дасць магчымасць вывесці ўсебаковае стратэгічнае партнёрства Беларусі і Кітая на якасна новы ўзровень.
версія для друку
зрабіць стартавай
дабавіць у выбранае