Прамовы і інтэрв’ю
Лукашэнка: беларусы ўмеюць гуляць у футбол, але трэба, нарэшце, апраўдваць чаканні балельшчыкаў
7 чэрвеня, Мінск /Кар. БЕЛТА/. Узровень гульні беларускіх футбольных клубаў і зборных павінен адпавядаць створаным для іх умовам. Аб гэтым Прэзідэнт Беларусі Аляксандр Лукашэнка заявіў 7 чэрвеня на цырымоніі ўрачыстага адкрыцця Нацыянальнага футбольнага стадыёна, перадае карэспандэнт БЕЛТА.
"Спорт справядліва лічаць паслом міру. Футбол - самая папулярная, масавая народная гульня - сцірае граніцы паміж краінамі, збліжае розных людзей, аб'ядноўвае і тых, хто гуляе, і тых, хто балее. Усіх нас. Спадзяюся, узровень гульні нашых клубаў і асабліва зборных будзе адпавядаць створаным для іх умовам. Вельмі спадзяюся, хлопцы, на вас. Вы маладыя. Будучыня. Вам гуляць, вам адстойваць гонар роднай зямлі", - звярнуўся кіраўнік дзяржавы да маладзёжнай зборнай.
Аляксандр Лукашэнка разлічвае, што беларускія футбалісты, атрымаўшы такі падарунак - Нацыянальны футбольны стадыён, нарэшце, пачнуць апраўдваць чаканні балельшчыкаў, і яны ўбачаць з гэтых трыбун яркія перамогі любімых каманд.
Прэзідэнт падкрэсліў, што беларусы ўмеюць гуляць у футбол. Ён нагадаў, што мужчынская зборная па пляжным футболе на нядаўнім чэмпіянаце свету бліскуча паказала, як трэба абыгрываць самых моцных сапернікаў. Тады беларусы ўступілі ў фінале бразільцам, ледзь не абыграўшы саперніка.
У слове ў адказ беларускія спартсмены адзначылі, што новая арэна стане месцам для яркіх матчаў і незабыўных эмоцый. Футбалісты запэўнілі, што прыкладуць усе намаганні, каб праслаўляць краіну і з гонарам несці сцяг дзяржавы.
"Дзякуй. Мы пачакаем. Мы спадзяёмся. Я думаю, вы нас ніколі не засмуціце на гэтай цудоўнай арэне. І не толькі на гэтай", - заявіў Аляксандр Лукашэнка.
версія для друку
зрабіць стартавай
дабавіць у выбранае