Прамовы і інтэрв’ю
Лукашэнка: Беларусь пад чыстым небам - мэта ўсёй нашай палітыкі
1 ліпеня, Мінск /Кар. БЕЛТА/. Беларусь пад чыстым небам - гэта мэта ўсёй дзяржаўнай палітыкі. Аб гэтым кіраўнік дзяржавы заявіў на ўрачыстым сходзе з нагоды Дня Незалежнасці, перадае карэспандэнт БЕЛТА.
"Мы святкуем Дзень Незалежнасці пад чыстым небам і вельмі гэтым даражым. Мы робім усё, каб мірам аплаціць доўг перад пакаленнем пераможцаў, якія падарылі нам 80 гадоў гэтага мірнага жыцця. Робім усё, каб апраўдаць іх надзеі. У адваротным выпадку за што яны гінулі? Беларусь пад чыстым небам - гэта і мэта ўсёй нашай палітыкі, і вобраз будучыні, да якой імкнёмся", - сказаў кіраўнік дзяржавы.
Аляксандр Лукашэнка падкрэсліў, што ў жыхароў Беларусі шмат планаў на жыццё: простых, асабістых, важных для ўсё краіны. Напрыклад, нядаўна правялі выпускныя балі, пачалася ўступная кампанія, ёй удзяляецца ўвага на самым высокім узроўні. "Нашы дзеці рыхтуюцца зрабіць лёсавызначальны крок у дарослае жыццё, бацькі хвалюцца. Я і многія іншыя на гэта рэагуем, разумеем, што гэта ваша жыццё. Гэта не бульба, якая недзе там на складах згубілася. Гэта - будучыня самых адукаваных, самых адораных, мэтанакіраваных людзей - будучых будаўнікоў нашага жыцця", - сказаў Прэзідэнт.
Ён адзначыў, што гарачая пара і ў аграрыяў. Цяпер працаўнікі вёскі актыўна працуюць на рэзультат, вынікі падвядуць у час святкавання "Дажынак". Аляксандр Лукашэнка папрасіў і гараджан не заставацца ўбаку ад гэтых спраў, паколькі менавіта з вёсак многія пераехалі ў гарады. "Але мы не павінны забываць, што там, - вёска сёння корміць і адзявае нас, - заявіў кіраўнік дзяржавы. - Пастаўлена галоўная задача - накарміць краіну і зарабіць".
Пералічваючы, чым жыве краіна, Аляксандр Лукашэнка таксама нагадаў аб маючых адбыцца любімых многімі летніх фестывалях у Александрыі і Віцебску. Там збярэцца ўся краіна, прыедуць сябры з блізкага і далёкага замежжа.
"Хто бачыць у гэтых планах іншыя, не мірныя мэты?" - задаў рытарычнае пытанне кіраўнік дзяржавы.
версія для друку
зрабіць стартавай
дабавіць у выбранае