Прамовы і інтэрв’ю

11 кастрычніка, Мінск /Кар. БЕЛТА/. Беларусь ніколі не будзе пляцоўкай для атакі на любую дзяржаву. Аб гэтым Прэзідэнт Беларусі Аляксандр Лукашэнка заявіў сёння, адказваючы на пытанні журналістаў пасля галасавання на выбарчым участку нумар 1, перадае карэспандэнт БЕЛТА.

Аляксандр Лукашэнка нагадаў, што ўжо не аднойчы заяўляў аб гэтым, прычым публічна.

Кіраўнік беларускай дзяржавы адзначыў, што адказваў на падобнае пытанне, ці не стане Беларусь пляцоўкай агрэсіі супраць Украіны, яшчэ на сустрэчы з Аляксандрам Турчынавым, калі той быў выконваючым абавязкі Прэзідэнта Украіны. "Мне ўтойваць няма чаго. Беларусь ніколі не будзе пляцоўкай для атакі на любую дзяржаву. Запомніце! Ніколі!" - сказаў беларускі лідар. "Мы выканалі сваё абяцанне? Выканалі", - падкрэсліў Прэзідэнт Беларусі.

Ва Украіне хутка ўсталюецца мір, і гэта пытанне адпадзе само сабой, лічыць Аляксандр Лукашэнка. Ён падкрэсліў, што гэта датычыцца не толькі Украіны.

"Але не дай бог каму-небудзь захочацца бразгаць каля нашых граніц зброяй!" - дадаў кіраўнік беларускай дзяржавы.