Прамовы і інтэрв’ю
Лукашэнка: Беларусь не проста валодае інавацыйнымі тэхналогіямі, але i стварае іх сама
17 кастрычніка, Мінск /Кар. БЕЛТА/. Беларусь - адна з тых краін, дзе не проста валодаюць інавацыйнымі тэхналогіямі, але і ствараюць іх. Аб гэтым Прэзідэнт Беларусі Аляксандр Лукашэнка заявіў у час адкрыцця Мінскага гарадскога Цэнтра тэхнічнай творчасці дзяцей і моладзі, перадае карэспандэнт БЕЛТА.
"Беларусь - адна з нямногіх краін, якія не проста валодаюць інавацыйнымі тэхналогіямі. Нашы вучоныя ствараюць гэтыя інавацыйныя тэхналогіі самі, - заявіў Аляксандр Лукашэнка. - Сёння, напрыклад, беларускія прадпрыемствы выкарыстоўваюць штучны інтэлект, у разы скарачаючы час, неабходны для ўвасаблення навуковай ідэі ў канкрэтны доследны ўзор. У вытворчыя працэсы актыўна ўкараняюцца робаты і іншыя разумныя ўстройствы".
Прэзідэнт, звяртаючыся да дзяцей, адзначыў, што з-за юнага ўзросту ім можа быць цяжка ўсвядоміць, наколькі імкліва навука і тэхніка мяняюць жыццё чалавека. "Паверце, вельмі імкліва. Калі яшчэ нейкіх 20 гадоў таму камп'ютар і інтэрнэт былі не ў кожнай беларускай сям'і, то ў нашы дні яны разам з мабільнымі тэлефонамі сталі штодзённасцю", - прывёў прыклады кіраўнік дзяржавы.
Ён падкрэсліў, што ў вытворчасць і побыт пастаянна прыходзяць тэхналогіі, якія нядаўна здаваліся абсалютнай фантастыкай. "Разумныя гарады, робаты, беспілотнікі, штучны інтэлект ужо не проста спрэчкі вучоных аб блізкай будучыні, а рэальнасць. І працвітаць будуць менавіта тыя дзяржавы, якія могуць ствараць новыя тэхналогіі, эфектыўна выкарыстоўваць іх у вытворчасці і іншых сферах жыцця", - упэўнены Аляксандр Лукашэнка.
Прэзідэнт адзначыў, што лічбавізацыя хутка мяняе цэлыя галіны, робіць непатрэбнымі адны прафесіі і вельмі запатрабаванымі іншыя. "Але яны звязаны з высокім інтэлектам людзей (таму што ўсё гэта стварае чалавек) і высокай адукацыяй. Таму цяпер мы такую пільную ўвагу ўдзяляем навучанню інжынераў, канструктараў, праграмістаў", - сказаў на заканчэнне кіраўнік дзяржавы.
версія для друку
зрабіць стартавай
дабавіць у выбранае