У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

26 Снж 2016

Лукашэнка: Беларусь не можа заставацца ўбаку ад трагічных падзей у Расіі

Лукашэнка: Беларусь не можа заставацца ўбаку ад трагічных падзей у Расіі

26 снежня, Мінск /Кар. БЕЛТА/. Беларусь не можа заставацца ўбаку ад трагічных падзей у Расіі. Аб гэтым Прэзідэнт Беларусі Аляксандр Лукашэнка заявіў 26 снежня ў Мінску, перадае карэспандэнт БЕЛТА.

"Учора ў нашай Расіі здарылася вялікая трагедыя. На жаль, гэта чарада трагедый стала злым лёсам над нашым брацкім народам: вялікая колькасць людзей загінула ў Іркуцку ў сувязі з атручэннем, забіты пасол Расіі ў Турцыі, і загінула шмат людзей у сувязі з крушэннем ваеннага самалёта, у якім знаходзіліся 92 чалавекі. Загінулі не толькі члены экіпажа, але і вядомыя артысты, прадстаўнікі сродкаў масавай інфармацыі, ваенныя людзі, дзяржслужачыя, урач. Зразумела, мы ў гэты дзень не маглі быць убаку ад гэтых трагічных падзей", - падкрэсліў Аляксандр Лукашэнка.

Прэзідэнт адзначыў, што ў знак салідарнасці з расійскім народам у краіне прыспушчаны дзяржаўныя сцягі, адменены забаўляльныя мерапрыемствы. "Нашы людзі актыўна адгукнуліся на гэта гора, наведаўшы расійскае пасольства. Я думаю, што паток людзей не зменшыцца, таму папрашу, каб праваахоўныя органы паглядзелі за парадкам вакол расійскага пасольства, - звярнуў увагу Аляксандр Лукашэнка. - Сёння ў пасольстве адкрыта Кніга спачуванняў. Упэўнены, што нашы дзяржаўныя служачыя і іншыя людзі адгукнуцца і пабываюць там".

Памяць загінулых у выніку трагедый, што адбыліся ў Расіі, на нарадзе з удзелам кіраўніка дзяржавы ўшанавалі мінутай маўчання.

Як паведамлялася, у Расіі 26 снежня аб'яўлены днём агульнанацыянальнай жалобы па загінулых у авіякатастрофе самалёта ту-154.

Па даручэнні Аляксандра Лукашэнкі 26 снежня над будынкамі рэзідэнцыі Прэзідэнта Беларусі і іншых дзяржустаноў па ўсёй краіне будуць прыспушчаны дзяржаўныя сцягі ў знак салідарнасці і смутку ў сувязі з авіякатастрофай, што адбылася ў Расіі. Абмежаваны таксама правядзенне і трансляцыя забаўляльных мерапрыемстваў і праграм. Тэле- і радыёканалам рэкамендавана ўлічыць гэтыя абставіны пры фарміраванні эфіру.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс