У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

24 Чэр 2016

Лукашэнка: Беларусь гатова стаць актыўным "палявым іграком" на прасторы ШАС

Лукашэнка: Беларусь гатова стаць актыўным

24 чэрвеня, Ташкент /Уладзімір Мацвееў - БЕЛТА/. Беларусь мае намер актыўна ўдзельнічаць у рабоце ШАС па ўсіх напрамках, якія ўяўляюць узаемны інтарэс. Аб гэтым Прэзідэнт Беларусі Аляксандр Лукашэнка заявіў сёння, выступаючы на саміце кіраўнікоў дзяржаў Шанхайскай арганізацыі супрацоўніцтва ў Ташкенце, перадае карэспандэнт БЕЛТА.

Прэзідэнт адзначыў, што Беларусь удзячна членам ШАС за прадастаўлены ёй у мінулым годзе статус наглядальнікамі. "Як краіна - наглядальнік у ШАС мы не збіраемся, кажучы спартыўнай тэрміналогіяй, сачыць за гульнёй з "лаўкі запасных". Беларусь гатова стаць актыўным "палявым іграком" на прасторы арганізацыі і ўнесці важкі ўклад у яе работу на карысць нашых народаў", - заявіў Аляксандр Лукашэнка.

Паводле яго слоў, імкненне беларускага боку да актыўнага ўдзелу ў рабоце арганізацыі тлумачыцца важнай роляй, якую ШАС адыгрывае ў вырашэнні сусветных і рэгіянальных пытанняў, а таксама тым фактам, што ў гэта інтэграцыйнае ўтварэнне ўваходзяць шчырыя сябры Беларусі.

Аляксандр Лукашэнка падкрэсліў, што развіццю супрацоўніцтва з Азіяцкім рэгіёнам Беларусь надае важнейшае палітычнае і эканамічнае значэнне. "Мы цалкам падтрымліваем выбудоўванне новай архітэктуры адносін на прасторы Еўразіі з улікам інтарэсаў усіх дзяржаў кантынента", - заявіў Прэзідэнт.

Цяпер шэсць краін з'яўляюцца дзяржавамі - членамі заснаванай у 2001 годзе Шанхайскай арганізацыі супрацоўніцтва - Казахстан, Кітай, Кыргызстан, Расія, Таджыкістан і Узбекістан. Шэсць краін маюць статус дзяржавы - наглядальніка пры ШАС - Афганістан, Беларусь, Індыя, Іран, Манголія і Пакістан. Адносна Індыі і Пакістана кіраўнікі дзяржаў ШАС у ліпені 2015 года на Уфімскім саміце прынялі рашэнне аб пачатку працэдуры іх прыёму ў ШАС. У перспектыве на членства ў арганізацыі прэтэндуе Іран.

Шэсць краін з'яўляюцца партнёрамі па дыялогу ШАС - Азербайджан, Арменія, Камбоджа, Непал, Турцыя і Шры-Ланка.

Першапачаткова задачы ШАС былі ў сферы ўзаемных унутрырэгіянальных дзеянняў па спыненні тэрарыстычных актаў, сепаратызму і экстрэмізму ў Сярэдняй Азіі. Аднак па меры развіцця арганізацыі пытанні бяспекі былі дапоўнены эканамічным блокам, уключаючы энергетыку, транспарт, АПК, тэлекамунікацыі, а таксама гуманітарным вымярэннем ШАС. Дзяржавы-члены таксама актыўна ўзаемадзейнічаюць у навукова-тэхнічнай, культурнай, адукацыйнай і турыстычнай сферах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску