У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

9 Стд 2015

Лукашэнка: Беларусь гатова прыняць міжнародныя лёгкаатлетычныя спаборніцтвы самага высокага ўзроўню

Лукашэнка: Беларусь гатова прыняць міжнародныя лёгкаатлетычныя спаборніцтвы самага высокага ўзроўню

9 студзеня, Мінск /Уладзімір Мацвееў - БЕЛТА/. Беларусь гатова прыняць у сябе міжнародныя лёгкаатлетычныя спаборніцтвы самага высокага ўзроўню. Аб гэтым кіраўнік беларускай дзяржавы Аляксандр Лукашэнка заявіў сёння на сустрэчы з прэзідэнтам Еўрапейскай лёгкаатлетычнай асацыяцыі Ханс-Ёргам Вірцам, перадае карэспандэнт БЕЛТА.

"Калі ў вас будзе інтарэс да Беларусі ў сувязі з правядзеннем тут розных сустрэч, канферэнцый, міжнародных спаборніцтваў - вы можаце заўсёды на нас разлічваць", - заявіў беларускі лідар.

Аляксандр Лукашэнка падкрэсліў, што ў Беларусі гатовы стварыць усе неабходныя ўмовы для правядзення міжнародных лёгкаатлетычных спаборніцтваў самага высокага ўзроўню. "Мы ўмеем гэта рабіць, і нядаўні чэмпіянат свету па хакеі гэта паказаў. Ён стаў лепшым у гісторыі чэмпіянатаў свету. Таму можаце разлічваць, што і лёгкаатлетычны форум, які тут, магчыма, адбудзецца, будзе лепшым у свеце", - сказаў Прэзідэнт Беларусі.

Аляксандр Лукашэнка таксама падзякаваў Ханс-Ёргу Вірцу за ўвагу, што ўдзяляцца Беларусі ў частцы развіцця лёгкаатлетычнага спорту. "Гэта для нас вялікі стымул для развіцця лёгкай атлетыкі. Дзякуй вам за падтрымку нашай федэрацыі, за ўдзел у падрыхтоўцы трэнераў, перадачу методык, - адзначыў кіраўнік дзяржавы. - Мы нядаўна выбралі новага старшыню федэрацыі лёгкай атлетыкі (Вадзім Дзевятоўскі. - Заўвага БЕЛТА). Гэта звязана з тым, што мы хочам удзяліць вельмі сур'ёзную ўвагу развіццю лёгкай атлетыкі ў нашай краіне".

Лукашэнка: Беларусь гатова прыняць міжнародныя лёгкаатлетычныя спаборніцтвы самага высокага ўзроўнюПаводле слоў Прэзідэнта, у Беларусі ёсць вельмі добрыя традыцыі па развіцці розных лёгкаатлетычных відаў спорту. "Я лічу, што мы адновім гэтыя школы, і вы ў хуткім часе пачуеце вельмі шмат добрага пра беларускіх атлетаў", - дадаў беларускі лідар.

У сваю чаргу Ханс-Ёрг Вірц адзначыў, што за некалькі праведзеных у Беларусі дзён меў магчымасць асабіста ўбачыць, чаго дасягнула Беларусь у справе стварэння спартыўнай інфраструктуры. "Гатовы пагадзіцца з вашымі словамі, што Беларусь можа прымаць у сябе спартыўныя мерапрыемствы сусветнага маштабу. Цяпер мы ўжо лічым сваім абавязкам прыняць вашу прапанову і скарыстацца Беларуссю для правядзення такіх мерапрыемстваў", - сказаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс