У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

14 Врс 2017

Лукашэнка: Беларусь гатова будаваць паўднёвы транспартны калідор з канца 2018 года, калі будзе падтрымка ЕБРР

Лукашэнка: Беларусь гатова будаваць паўднёвы транспартны калідор з канца 2018 года, калі будзе падтрымка ЕБРР

14 верасня, Мінск /Міхаіл Маціеўскі - БЕЛТА/. Беларусь гатова пачаць будаўніцтва паўднёвага транспартнага калідора ў канцы 2018 года, калі Еўрапейскі банк рэканструкцыі і развіцця акажа падтрымку ў гэтым пытанні. Аб гэтым Прэзідэнт Беларусі Аляксандр Лукашэнка заявіў сёння на сустрэчы з прэзідэнтам ЕБРР Сумам Чакрабарці, перадае карэспандэнт БЕЛТА.

"У будучым годзе мы ў асноўным скончым гродзенскую трасу, якую вы нам дапамагаеце будаваць. Калі б мы больш аператыўна разгарнуліся, то да канца будучага года спакойна маглі б перакідваць магутнасці на будаўніцтва паўднёвага калідора, ён вельмі важны цяпер для Еўропы. Мы гатовы пабудаваць дарогу танней, чым любая іншая еўрапейская ці азіяцкая кампанія", - падкрэсліў Аляксандр Лукашэнка.

Прэзідэнт канстатаваў, што беларуская інфраструктура абслугоўвае не толькі саму краіну, але і ўвесь кантынент. "Так склалася, што Беларусь стала для еўрапейцаў і азіятаў найбольш прывабнай, стабільнай і бяспечнай тэрыторыяй, праз якую перамяшчаюцца людзі, тавары, грузы, паслугі. Сотні мільёнаў тон толькі грузаў. Вядома, нягледзячы на тое, што ў нас нядрэнная інфраструктура і яна пакуль спраўляецца з гэтымі патокамі, нам трэба думаць аб тым, каб яна была на самым вышэйшым еўрапейскім узроўні", - упэўнены беларускі лідар.

Аляксандр Лукашэнка нагадаў, што ЕБРР ужо інвесціруе ў развіццё дарожнай сеткі ў Беларусі, і дзяржава ўдзячна банку за гэта. Але гэтага, на яго думку, недастаткова. Вядуцца перагаворы па пракладцы больш шырокай магістралі па поўдні Беларусі. "Каб паўднёвы паток Кітая, Цэнтральнай Азіі, Расіі перахапіць і накіраваць праз поўдзень, праз Гомель на Брэст у Еўропу. Мы гатовы аказаць гэту паслугу, - звярнуў увагу кіраўнік дзяржавы. - Я ўсё гэта гавару для таго, каб еўрапейцы і вы таксама разумелі, што, прадастаўляючы нам пэўную падтрымку, вядома, робіце карысць для нас, але гэта двухбаковы працэс, гэта карысна і для Еўропы ў тым ліку. Мы хацелі б, каб вы гэта ўлічвалі, калі мы вядзём перагаворы па тых ці іншых праектах".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс