Прамовы і інтэрв’ю

Лукашэнка аб уражаннях ад парада Перамогі ў Маскве: аж вельмі добра

9 мая, Масква /Кар. БЕЛТА/. Прэзідэнт Беларусі Аляксандр Лукашэнка пазітыўна ацаніў парад Перамогі, які прайшоў у Маскве. Ён заявіў журналістам, што ў яго добрыя ўражанні ад гэтага мерапрыемства, перадае карэспандэнт БЕЛТА.

"Я перажываў, што вы ўкарацілі яго, і думаў, як атрымаецца. Я вам скажу, што аж вельмі добра. У мяне добрыя ўражанні", - сказаў кіраўнік дзяржавы.

"Нават калі не запрасілі б, я прыехаў бы на сваю Красную плошчу. У сваю Маскву. Я нарадзіўся, калі Масква была сталіцай (Савецкага Саюза. - Заўвага БЕЛТА)", - заявіў Аляксандр Лукашэнка.

Прэзідэнт падкрэсліў, што Дзень Перамогі - вялікае свята. "Як паказаў цяперашні час, ніхто не зможа нам перашкодзіць святкаванню гэтай Вялікай Перамогі. Гэта наш здабытак. Страціць нельга", - сказаў ён.

Аляксандр Лукашэнка дадаў, што пасля ўрачыстых мерапрыемстваў у Маскве накіроўваецца ў Мінск, каб ужо ў беларускай сталіцы прыняць удзел ва ўрачыстасцях з нагоды Дня Перамогі.

версія для друку

зрабіць стартавай

дабавіць у выбранае