Прамовы і інтэрв’ю

Лукашэнка аб сітуацыі з пасольствам Латвіі: Беларусь зрабіла так, як робіць суверэнная дзяржава

26 мая, Мінск /Кар. БЕЛТА/. Беларусь зрабіла так, як робіць суверэнная дзяржава, прыняўшы рашэнне аб высылцы супрацоўнікаў латвійскага пасольства. Аб гэтым Прэзідэнт Беларусі Аляксандр Лукашэнка заявіў сёння на сустрэчы з парламентарыямі, членамі Канстытуцыйнай камісіі і прадстаўнікамі органаў дзяржаўнага кіравання, перадае карэспандэнт БЕЛТА.

"У сітуацыі з пасольствам Латвіі, якое ў поўным складзе было выдварана, Беларусь зрабіла так, як робіць суверэнная нацыянальная дзяржава, якая мае на гэта права", - сказаў Аляксандр Лукашэнка.

Як паведамлялася, у гэтыя дні ў Рызе праходзіць чэмпіянат свету па хакеі, у цэнтры горада ўстаноўлены сцягі краін - удзельніц турніру. Гэтымі днямі мэр Рыгі Марціньш Стакіс і міністр замежных спраў Латвіі Эдгар Рынкевіч замянілі дзяржаўны сцяг Беларусі на бела-чырвона-белую сімволіку.

Пасля гэтага ў МЗС Беларусі быў выкліканы пасол Латвіі. Яму, а таксама ўсяму дыпламатычнаму і адміністрацыйна-тэхнічнаму складу пасольства было прапанавана пакінуць Беларусь.

версія для друку

зрабіць стартавай

дабавіць у выбранае