VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Ліп 2020

Лукашэнка аб развіцці адносін са Славакіяй: мы гатовы ісці на больш глыбокае супрацоўніцтва

Лукашэнка аб развіцці адносін са Славакіяй: мы гатовы ісці на больш глыбокае супрацоўніцтва

6 ліпеня, Мінск /Кар. БЕЛТА/. Беларусь гатова ісці на больш глыбокае супрацоўніцтва ў адносінах са Славакіяй. Аб гэтым Прэзідэнт Беларусі Аляксандр Лукашэнка заявіў на сустрэчы з Надзвычайным і Паўнамоцным Паслом Славакіі ў Беларусі Ёзафам Мігашам, перадае карэспандэнт БЕЛТА.

Кіраўнік дзяржавы канстатаваў, што паміж краінамі складваюцца вельмі добрыя адносіны, разам з тым у развіцці гандлёва-эканамічнага супрацоўніцтва ёсць яшчэ вялікі патэнцыял. "Згадзіцеся, асноўны паказчык - $220 млн тавараабароту - гэта зусім няшмат, - сказаў ён. - Але калі ўлічыць, што наогул ніякага не было тавараабароту ў свой час, гэты рост - ён значны. Але мы можам больш, мы гатовы супрацоўнічаць самым цесным чынам са Славакіяй, мы гатовы па многіх напрамках вучыцца ў вас (а ў вас ёсць чаму вучыцца, пачынаючы ад спорту і заканчваючы пытаннямі прамысловага развіцця). Мы гатовы ісці на больш глыбокае супрацоўніцтва".

Прэзідэнт адзначыў вопыт работы Ёзафа Мігаша ў розных сферах і прапанаваў у будучым прадаўжаць супрацоўніцтва. "Вы ў сваім жыцці былі не толькі грамадскім дзеячам, але і перадавым бізнесменам, - сказаў Аляксандр Лукашэнка. - Думаю, што мы вельмі шмат можам зрабіць, у тым ліку і з вашай дапамогай. Мы адкрыты для гэтага супрацоўніцтва. Калі ў вас асабіста будуць нейкія прапановы, калі і ў далейшым жыццё будзеце звязваць з бізнесам, вытворчасцю, ведайце, што ў Беларусі знойдзецца месца для стварэння і развіцця таго напрамку, які вы палічыце патрэбным".

Гандлёва-эканамічнае супрацоўніцтва Беларусі і Славакіі ўстойліва развіваецца. Тавараабарот па выніках 2019 года дасягнуў $226 млн і павялічыўся амаль на 7 працэнтаў у параўнанні з 2018-м, у тым ліку экспарт - $114 млн, імпарт - $112 млн. Паводле даных за студзень-красавік гэтага года, тавараабарот склаў $63,4 млн. Беларусь экспартуе ў Славакію ў асноўным прыборы і ўстройствы для медыцыны, дрот з чорных металаў, нафтапрадукты, поліаміды, трактары. Са Славакіі імпартуюцца легкавыя аўтамабілі і запасныя часткі да іх, кукуруза, рухавікі ўнутранага згарання, прадукты харчавання.

За 2019 год Беларусь істотна нарасціла экспарт паслуг у Славакію, пераважна транспартных і камп'ютарных, - да $17,7 млн, што на 18,9 працэнта больш за ўзровень 2018-га.

Аб'ём інвестыцый у эканоміку Беларусі на 1 студзеня бягучага года склаў $5 млн, у тым ліку прамых - $4,6 млн. У краіне дзейнічаюць 11 сумесных і 7 замежных прадпрыемстваў з удзелам славацкага капіталу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход