Прамовы і інтэрв’ю

Лукашэнка аб форуме гарадоў-пабрацімаў: гэта важны інструмент процідзеяння татальнаму націску звонку

Фота з архiва

29 верасня, Мінск /Кар. БЕЛТА/. Кіраўнік дзяржавы Аляксандр Лукашэнка накіраваў прывітанне ўдзельнікам 12-га Форуму гарадоў-пабрацімаў Беларусі і Расіі. Аб гэтым БЕЛТА паведамілі ў прэс-службе беларускага лідара.

Прэзідэнт адзначыў сімвалізм таго, што ў гэтым годзе форум праходзіць у Брэсце - горадзе з багатай гераічнай гісторыяй, які ўвасабляе памяць аб подзвігу савецкага народа ў гады Вялікай Айчыннай вайны, стойкасці і мужнасці абаронцаў Брэсцкай крэпасці, няскоранасці беларускай зямлі перад варожым нашэсцем.

"У сучасных умовах тэма захавання гістарычнай праўды аб агульным мінулым набывае асаблівую актуальнасць, а аўтарытэтныя двухбаковыя пляцоўкі, падобныя да гэтага саміту, служаць важным інструментам умацавання братэрскіх сувязей паміж народамі і процідзеяння беспрэцэдэнтнаму татальнаму націску звонку", - гаворыцца ў прывітанні.

Аляксандр Лукашэнка звярнуў увагу, што форум гарадоў-пабрацімаў сёння з'яўляецца актыўнай формай садзейнічання супрацоўніцтву Беларусі і Расіі ў ключавых сферах.

"Гэты фармат узаемадзеяння адыгрывае ролю аднаго з лакаматываў інтэграцыйных працэсаў, прадаўжае даказваць сваю запатрабаванасць на прасторы Саюзнай дзяржавы, - падкрэсліў Прэзідэнт. - Упэўнены, трывалыя сувязі на ўзроўні гарадоў і ў далейшым будуць служыць надзейнай асновай міжрэгіянальнага партнёрства Беларусі і Расіі".

Кіраўнік беларускай дзяржавы пажадаў удзельнікам 12-га Форуму гарадоў-пабрацімаў паспяховай і плённай працы на карысць двух братэрскіх народаў.

Прывітанне Лукашэнкі ўдзельнікам 12-га Форуму гарадоў-пабрацімаў Беларусі і Расіі

Дарагія сябры!

Сардэчна вітаю вас у гасціннай Беларусі.

Сімвалічна, што ў гэтым годзе Форум праходзіць у Брэсце - горадзе з багатай гераічнай гісторыяй, які ўвасабляе памяць аб подзвігу савецкага народа ў гады Вялікай Айчыннай вайны, стойкасці і мужнасці абаронцаў Брэсцкай крэпасці, няскоранасці беларускай зямлі перад варожым нашэсцем.

У сучасных умовах тэма захавання гістарычнай праўды аб агульным мінулым набывае асаблівую актуальнасць, а аўтарытэтныя двухбаковыя пляцоўкі, падобныя да гэтага саміту, служаць важным інструментам умацавання братэрскіх сувязей паміж народамі і процідзеяння беспрэцэдэнтнаму татальнаму націску звонку.

Рады, што Форум гарадоў-пабрацімаў сёння з'яўляецца актыўнай формай садзейнічання супрацоўніцтву нашых краін у ключавых сферах. Гэты фармат узаемадзеяння адыгрывае ролю аднаго з лакаматываў інтэграцыйных працэсаў, прадаўжае даказваць сваю запатрабаванасць на прасторы Саюзнай дзяржавы.

Упэўнены, трывалыя сувязі на ўзроўні гарадоў і ў далейшым будуць служыць надзейнай асновай міжрэгіянальнага партнёрства Беларусі і Расіі.

Ад душы жадаю ўдзельнікам 12-га Форуму гарадоў-пабрацімаў паспяховай і плённай працы на карысць двух братэрскіх народаў.

версія для друку

зрабіць стартавай

дабавіць у выбранае