Прамовы і інтэрв’ю

"Любімае месца сустрэчы". Старшыня журы дзіцячага музычнага конкурсу аб "Славянскім базары"

14 ліпеня, Віцебск /Кар. БЕЛТА/. "Славянскі базар" - гэта любімае месца сустрэчы. Так аб фестывалі ў інтэрв'ю з журналістамі сказала старшыня журы XXIV Міжнароднага дзіцячага музычнага конкурсу "Віцебск" - заслужаная артыстка Расійскай Федэрацыі, спявачка, актрыса, тэлевядучая Ілона Бранявіцкая, паведамляе карэспандэнт БЕЛТА.

Гісторыя ў "Славянскага базару" сапраўды вялікая, ужо 35 гадоў запар ён збірае артыстаў з розных краін у Віцебску. Ілона Бранявіцкая адзначыла, што фестываль аб'яднаў два братэрскія народы. "У мяне быў сольнік у амфітэатры яшчэ да базару. Мы на сцэну падымаліся па драўлянай лесвічцы, за кулісамі нічога не было", - падзялілася ўспамінамі расійская артыстка.

Яна адзначыла, што беларуская публіка самая цёплая і найлепшая. "Публіка базару - гэта яшчэ лепш, чым проста беларуская публіка. Гэта вялікае шчасце - выйсці на сцэну і адчуць цяпло, дабрыню. Гэта тое, чаго нам не хапае ў жыцці. Беларусь - асаблівая. Я думаю, з усіх славян самы лепшы - беларус. Мой дзядуля быў беларусам", - расказала Ілона Бранявіцкая.

версія для друку

зрабіць стартавай

дабавіць у выбранае