Прамовы і інтэрв’ю

Кубракоў: Беларусь заўсёды будзе самай бяспечнай краінай у свеце

3 ліпеня, Мінск /Кар. БЕЛТА/. Беларусь заўсёды будзе самай бяспечнай краінай у свеце, заявіў міністр унутраных спраў Іван Кубракоў пасля ўрачыстай цырымоніі ўскладання кветак да манумента Перамогі, прысвечанай Дню Незалежнасці Рэспублікі Беларусь, перадае карэспандэнт БЕЛТА.

"Беларусь сёння - практычна адзіны астравок, дзе не адбываецца войнаў, і наш Прэзідэнт робіць усё для таго, каб захаваць мір на нашай зямлі. Мы як супрацоўнікі органаў унутраных спраў забяспечваем бяспеку ў нашай краіне, і я ўпэўнены, што мы, увесь сілавы блок, зробім усё, каб на нашай зямлі былі мір і парадак, - сказаў Іван Кубракоў. - І я хачу адзначыць, што сёння вельмі шмат гасцей прыехала ў нашу краіну, асабліва ў сталіцу, і ўсе адзначаюць у першую чаргу чысціню і парадак на нашых вуліцах, а таксама бяспеку. Што ў нас не страшна хадзіць па вуліцах ні днём, ні ноччу, і мы зробім усё для таго, каб наша краіна заўсёды была бяспечнай".

Паводле яго слоў, Беларусь памятае кожнага, хто паклаў сваё жыццё за Вялікую Перамогу. "Менавіта 3 ліпеня была вызвалена Беларусь ад нямецка-фашысцкіх захопнікаў і мы робім усё для таго, каб нашы вуліцы былі бяспечнымі, - адзначыў міністр. - Я хачу сказаць вялікія словы ўдзячнасці ўсім, хто сёння нясе службу па ахове грамадскага парадку, ахове нашых граніц. Я хачу падзякаваць усім нашым грамадзянам, нашым патрыятычным клубам, нашай моладзі, якая сёння расказвае сваім равеснікам аб тым, што мы ўсе разам павінны захаваць мір і парадак. І я ўпэўнены, што наша краіна заўсёды будзе самай бяспечнай у свеце. Усім жадаю шчасця, здароўя, поспехаў. І хачу сцвярджальна сказаць усім грамадзянам Рэспублікі Беларусь, усім гасцям нашай рэспублікі, што мы зробім усё для таго, каб над нашай краінай заўсёды было мірнае неба. Усім шчасця, дабра, удачы, але самае галоўнае - міру на нашай зямлі".

версія для друку

зрабіць стартавай

дабавіць у выбранае