Прамовы і інтэрв’ю

"Безумоўна, трэба ўвекавечыць памяць загінулых, аб гэтым нават пытанне не можа стаяць. Але не сячы з-за пляча, а ўзважана падысці да гэтай тэмы, прапрацаваць пытанні адносна тэрыторыі ўрочышча, што сёння і робіцца", - сказаў Яўген Крыжаноўскі.

На яго думку, гэта задача можа мець агульнанацыянальны характар. "Гісторыю, якая б яна ні была - добрая ці дрэнная, ужо не перапішаш. І ў гэтай сітуацыі размова ідзе аб тым, каб без гарачкі, крыкаў і спрэчак з'ядналіся людзі, аб'яднаныя агульнай справай", - лічыць заслужаны артыст Беларусі.

Беларусы заўсёды імкнуцца адгукнуцца, калі нехта просіць аб дапамозе. І цяпер тая сітуацыя, калі трэба ўсім з'яднацца і дапамагчы. Помнік у Курапатах можа стаць сімвалам яднання нацыі, а не раз'яднання, упэўнены Яўген Крыжаноўскі.