Прамовы і інтэрв’ю

Кіраўнік беларускага МЗС падрабязна расказаў аб разгледжаных у Маскве ключавых выкліках бяспецы

Фота з архiва

25 лістапада, Мінск /Кар. БЕЛТА/. Міністр замежных спраў Беларусі Максім Рыжанкоў па выніках сумеснага пасяджэння калегій знешнепалітычных ведамстваў Беларусі і Расіі, якое 25 лістапада адбылося ў Маскве, расказаў журналістам аб разгледжаных на сустрэчы пытаннях, паведамляе карэспандэнт БЕЛТА.

"Сёння мы ацанілі ва ўсіх дэталях праведзеную разам сур'ёзную работу ў бягучым годзе, звязаную і з 80-годдзем Вялікай Перамогі, і са старшынствам Рэспублікі Беларусь у органах Еўразійскага эканамічнага саюза, і з паступальным нарошчваннем намаганняў па стварэнні трывалай, устойлівай архітэктуры еўразійскай бяспекі", - звярнуў увагу ён.

Паводле слоў Максіма Рыжанкова, асаблівая, пільная ўвага была ўдзелена інтэграцыйным працэсам у рамках Саюзнай дзяржавы, эканамічнаму трэку, міжрэгіянальнаму супрацоўніцтву.

"Без ілюзій, грунтоўна абмеркавалі бягучую геапалітычную абстаноўку ва ўсходнееўрапейскім рэгіёне, вялікай Еўразіі і свеце ў цэлым, - прадоўжыў міністр. - Спыніліся падрабязна на ключавых выкліках на заходніх рубяжах Саюзнай дзяржавы, на перспектывах урэгулявання ўкраінскага крызісу з улікам новых ініцыятыў ЗША".

Па запрашэнні кіраўніка расійскага знешнепалітычнага ведамства Сяргея Лаўрова 24 і 25 лістапада Маскву з рабочым візітам наведаў міністр замежных спраў Рэспублікі Беларусь Максім Рыжанкоў для ўдзелу ў штогадовым сумесным пасяджэнні калегій МЗС Расіі і МЗС Беларусі. Сумесныя пасяджэнні праводзяцца з 2000 года на штогадовай аснове па чарзе ў Беларусі і Расіі і з'яўляюцца дзейсным механізмам сінхранізацыі намаганняў дзвюх краін на міжнароднай арэне. У цэнтры ўвагі на гэты раз было ў тым ліку падвядзенне прамежкавых вынікаў выканання рашэнняў папярэдняга пасяджэння і праграмы ўзгодненых дзеянняў у галіне знешняй палітыкі дзяржаў - удзельніц Дагавора аб стварэнні Саюзнай дзяржавы на 2024-2026 гады.

версія для друку

зрабіць стартавай

дабавіць у выбранае