У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

24 Май 2017

Каўхута: Беларусі трэба павялічваць экспарт геалагічных паслуг

Каўхута: Беларусі трэба павялічваць экспарт геалагічных паслуг

24 мая, Жлобінскі раён /Юлія Лысенка - БЕЛТА/. Беларусі трэба павялічваць экспарт геалагічных паслуг. Такое меркаванне выказаў журналістам міністр прыродных рэсурсаў і аховы навакольнага асяроддзя Андрэй Каўхута, які 24 мая прыняў удзел у прэс-туры да нядаўна выяўленай залежы нафты на Усходне-Дабрагашчанскай плошчы, перадае карэспандэнт БЕЛТА.

Міністр адзначыў, што акрамя рашэння першарадных задач, якія стаяць перад геолагамі Беларусі, па вывучэнні нетраў, павелічэнні здабычы нафты, трэба асаблівую ўвагу ўдзяляць нарошчванню экспарту геалагічных паслуг. "Асаблівыя дамоўленасці, якія датычацца работы нашых спецыялістаў, існуюць з Расійскай Федэрацыяй. Таксама наш вопыт цікавы Судану і Егіпту, якія я нядаўна наведваў і дзе абмяркоўваліся пытанні пошуку не толькі вуглевадародаў, але і іншых відаў карысных выкапняў", - сказаў ён.

Андрэй Каўхута таксама расказаў аб выпрабаваннях, якія праводзіць дзяржаўнае прадпрыемства "НПЦ па геалогіі" на Усходне-Дабрагашчанскай плошчы. "Цяпер з мэтай пошуку нафты ў міжсалявых адкладах і для вывучэння геалагічнай будовы і ацэнкі нафтаноснасці падсалявых карбанатных адкладаў на гэтым участку закладзена свідравіна нумар 1. Яе глыбіня складае 2990 м. Выпрабаванні праводзяцца для таго, каб вызначыць прыток, які скажа аб запасах радовішча. Паводле ацэнак спецыялістаў, яны складаюць ад 350 да 800 тыс. т. Вядома, мы разлічваем на большую колькасць, і цяпер якраз ідуць выпрабаванні яшчэ аднаго гарызонта, які павінен павялічыць тыя лічбы, аб якіх мы гаворым", - сказаў ён.

Паводле слоў спецыялістаў, на аснове комплекснага аналізу даных бурэння, кернавага матэрыялу, выпрабаванняў у працэсе бурэння і інтэрпрэтацыі прамыслова-геафізічных даследаванняў выдзелена пяць нафтаперспектыўных аб'ектаў. Тры з іх ужо выпрабаваны. З першага атрыманы прыток нафты з пластавой вадой, з другога і трэцяга - прытокі нафты.

Акрамя Усходне-Дабрагашчанскай плошчы міністр наведаў адну з эксплуатацыйных свідравін Бярэзінскага радовішча, бурэнне якога ажыццяўляецца па заказе ВА "Беларуснафта". Праектная глыбіня свідравіны ў перспектыве складзе 2165 м, цяпер яна прабурана на глыбіню 1930 м, работы па яе праходцы працягваюцца.

Таксама адбылася сустрэча з кіраўніцтвам Мазырскага дзяржаўнага прафесійнага ліцэя геалогіі, у час якой абмяркоўваліся пытанні падрыхтоўкі і перападрыхтоўкі рабочых кадраў для геолагаразведачных арганізацый па спецыяльнасцях, звязаных з правядзеннем буравых работ на свідравінах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі