Прамовы і інтэрв’ю

4 снежня, Мінск /Кар. БЕЛТА/. Рэалізацыя Інфармацыйнай стратэгіі Рэспублікі Беларусь па паўнапраўным ўключэнні (інклюзіі) людзей з інваліднасцю ў грамадства дасць магчымасць паказаць Беларусь як камфортную краіну для ўсіх. Такое меркаванне выказаў сёння на падпісанні дакумента Міністэрствам інфармацыі і Праграмай развіцця ААН міністр інфармацыі Аляксандр Карлюкевіч, перадае карэспандэнт БЕЛТА.

Паводле слоў міністра, стварэнне паўнацэннага грамадства ў адносінах да кожнага грамадзяніна і адпаведна стварэнне такім чынам грамадзянскай супольнасці - гэта тыя мэты, у дасягненні якіх ёсць адзінства ў Беларусі і ПРААН. У дасягненні іх нельга абысціся без дапамогі журналісцкай супольнасці, партнёрства грамадскіх арганізацый, інстытутаў улады. Чытачы, гледачы, тыя, хто адкрываюць для сябе інфармацыйную прастору ў сацыяльных сетках, ужо ўбачылі гэту шматгранную работу і прадстаўляюць Беларусь як краіну з магчымасцямі для ўсіх, падкрэсліў Аляксандр Карлюкевіч.

Пастаянны каардынатар ААН/ПРААН у Беларусі Санака Самарасінха ў сваю чаргу сказаў, што ў Беларусі прыкладаюцца сур'ёзныя намаганні для забеспячэння доступу людзей з абмежаванымі магчымасцямі да існуючых паслуг. Важным крокам з'яўляецца падпісанне Канвенцыі аб правах людзей з інваліднасцю і зацвярджэнне Нацыянальнага плана па рэалізацыі яе палажэнняў.

Акрамя ўсіх прымаемых крокаў, неабходна, каб адбыліся змяненні ў сэрцах людзей як з інваліднасцю, так і без інваліднасці для таго, каб паказаць, што ўсе роўныя, падкрэсліў Санака Самарасінха. У гэтым сэнсе вялікая роля ў журналісцкай супольнасці, якая можа зрабіць вялікую справу, ствараючы акно ў свет для людзей з інваліднасцю. Але пры гэтым журналісты могуць дапамагчы мноству людзей без інваліднасці зразумець і задумацца над праблемамі, з якімі сутыкаюцца людзі з абмежаваннямі, якія таксама павінны мець магчымасць поўнасцю рэалізоўваць свой патэнцыял.