Прамовы і інтэрв’ю

Качанава ў час пасадкі яблыневага саду ў гонар 80-годдзя Перамогі: мы адзначаем гэта свята з асаблівым хваляваннем

16 красавіка, Мінск /Кар. БЕЛТА/. Пасадка яблыневага саду ў гонар 80-годдзя Вялікай Перамогі - гэта наша памяць аб тых людзях, якія абаранілі свабоду і незалежнасць. Такой думкай з журналістамі падзялілася старшыня Савета Рэспублікі Нацыянальнага сходу Наталля Качанава ў час пасадкі першага яблыневага саду Беларускага саюза жанчын, перадае карэспандэнт БЕЛТА.

"Важна перш за ўсё, што сёння мы разам высаджваем яблыневы сад у гонар 80-годдзя Вялікай Перамогі. Гэта свята, якое мы адзначаем кожны год з асаблівым хваляваннем у душы. І, вядома, калі мы высадзім гэты цудоўны сад і тут будуць плоданасіць гэтыя дрэвы, кожны раз мы будзем успамінаць пра 80-годдзе Вялікай Перамогі", - сказала Наталля Качанава.

Спікер звярнула ўвагу на значнасць таго, што ў пасадцы саду прымае ўдзел маладзёжнае крыло Беларускага саюза жанчын. "Гэта такая добрая традыцыя, якая перадаецца з пакалення ў пакаленне. Гэта важна ў год добраўпарадкавання, у пяцігодку якасці. Калі мы высаджваем такія цудоўныя сады. А самае галоўнае - гэта памяць. Гэта наша памяць аб тых людзях, якія адстаялі свабоду і незалежнасць. Няхай гэтыя яблыні растуць як напамін таго, што мы ніколі не павінны дапусціць у далейшым такіх страшных падзей, якія былі на нашай зямлі. А гэтыя яблыні радуюць людзей толькі сваімі пладамі і сваім прыгожым цвіценнем у цудоўныя веснавыя дні", - рэзюмавала Наталля Качанава.

версія для друку

зрабіць стартавай

дабавіць у выбранае