Прамовы і інтэрв’ю

Качанава: Беларусь прадоўжыць аказанне гуманітарнай дапамогі бежанцам на граніцы з Польшчай

16 лістапада, Мінск /Кар. БЕЛТА/. Беларусь прадоўжыць аказанне гуманітарнай дапамогі бежанцам на граніцы з Польшчай. Аб гэтым заявіла журналістам старшыня Савета Рэспублікі Наталля Качанава па выніках праведзенай у Прэзідэнта нарады па сітуацыі на Дзяржаўнай граніцы, перадае карэспандэнт БЕЛТА.

Як расказала спікер верхняй палаты парламента, цяпер беларускі бок разглядае магчымасць устаноўкі абагравальнай палаткі побач са стыхійным лагерам, які ўтварылі бежанцы каля ўезду ў польскі пункт пропуску "Кузніца Беластоцкая". Тут прадоўжыцца аказанне гуманітарнай дапамогі, у тым ліку раздача прадуктаў харчавання.

"Аказанне гуманітарнай дапамогі беларускім бокам не спынялася. Я яшчэ раз магу запэўніць усіх, што мы будзем рабіць гэта, нягледзячы ні на што, таму што гэта людзі, яны апынуліся ў няпростых умовах. І беларускі бок зробіць усё, каб гэтых людзей накарміць і абагрэць", - сказала Наталля Качанава.

Да арганізацыі гуманітарнай дапамогі, паводле яе слоў, далучыліся многія дзяржаўныя арганізацыі і структуры. "На сённяшні дзень амаль 40 т гуманітарнай дапамогі раздадзена бежанцам. Арганізаваны палаткі, дзе іх кармілі, яны маглі сагрэцца, - сказала яна. - У запасе ўжо ёсць 10 т гуманітарнай дапамогі". У зборы дапамогі на пастаяннай аснове ўдзельнічаюць грамадскія арганізацыі, у тым ліку Беларускі саюз жанчын, Беларускі рэспубліканскі саюз моладзі і Федэрацыя прафсаюзаў Беларусі.

Рэгулярна бежанцам перадаюць прадукты харчавання, таксама ў іх ёсць магчымасць атрымаць цёплае адзенне і іншыя рэчы, звярнуцца за медыцынскай дапамогай. Урачы ўжо дапамаглі 60 бежанцам. За ўчарашні дзень за дапамогай дактароў звярнуліся 6 чалавек.

версія для друку

зрабіць стартавай

дабавіць у выбранае