У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

11 Сак 2019

Качанава аб зваротах, паступіўшых да "Вялікай размовы": ніводны не застанецца без разгляду

Качанава аб зваротах, паступіўшых да

11 сакавіка, Мінск /Кар. БЕЛТА/. На імя кіраўніка беларускай дзяржавы ў час падрыхтоўкі і правядзення мерапрыемства "Вялікая размова з Прэзідэнтам" паступіла каля 2,5 тыс. зваротаў. У адпаведнасці з даручэннем Аляксандра Лукашэнкі работа па іх разглядзе знаходзіцца на асаблівым кантролі ў Адміністрацыі Прэзідэнта, заявіла БЕЛТА кіраўнік Адміністрацыі Наталля Качанава.

Паводле яе слоў, на сённяшні дзень усе паступіўшыя звароты сістэматызаваны. Яны накіроўваюцца ў канкрэтныя інстанцыі для далейшага разгляду і прыняцця неабходных мер. Так, пытанні, якія закранаюць праблемы агульнарэспубліканскага ўзроўню, перадаюцца ў Савет Міністраў, профільныя міністэрствы і камітэты. Адпаведна, пытанні мясцовага значэння, звязаныя з канкрэтнымі тэрыторыямі (больш за 40 працэнтаў ад агульнай колькасці зваротаў), - у аблвыканкамы і Мінскі гарвыканкам. "Падкрэслю, што, як і сказаў кіраўнік дзяржавы, ніводнае пытанне не застанецца без разгляду і адказу", - запэўніла Наталля Качанава.

Яна таксама адзначыла, што арганізуецца шырокае асвятленне ў СМІ работы са зваротамі, мясцовыя органы ўлады павінны інфармаваць заяўнікаў. Пытанні, якія маюць больш маштабны характар, будуць асветлены ў Пасланні Прэзідэнта беларускаму народу і Нацыянальнаму сходу.

Папярэдні аналіз паказаў, што найбольш актуальнымі і злабадзённымі для жыхароў практычна ўсіх рэгіёнаў з'яўляюцца пытанні ўзроўню заработнай платы, пенсійнага забеспячэння, пашырэння магчымасцей выкарыстання сямейнага капіталу, прадастаўлення льгот асобным катэгорыям грамадзян, будаўніцтва жылля з дзяржпадтрымкай, кампенсацыі грашовых укладаў савецкага перыяду, а таксама адсутнасці дзейсных мер, накіраваных на дынамічнае і раўнамернае развіццё рэгіёнаў. Звароты, якія датычацца дзейнасці праваахоўных органаў, склалі прыкладна 10 працэнтаў.

Частка зваротаў мае асабісты характар. Прычым многія з іх паступілі з-за мяжы. Грамадзяне цікавіліся, чаму аддае перавагу Прэзідэнт Беларусі ў галіне культуры, літаратуры і інш. У большасці такіх зваротаў пазітыўна ацэньваецца знешняя і ўнутраная палітыка, якую праводзіць кіраўнік беларускай дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску