Прамовы і інтэрв’ю

Ярмошына: у Беларусі неабходна пераходзіць да электроннага рэестра выбаршчыкаў

9 жніўня, Мінск /Кар. БЕЛТА/. Старшыня ЦВК Лідзія Ярмошына лічыць, што ў Беларусі неабходна пераходзіць да электроннага рэестра выбаршчыкаў. Аб гэтым яна заявіла ў эфіры тэлеканала СТБ, перадае карэспандэнт БЕЛТА.

Лідзія Ярмошына лічыць, што пасля падвядзення вынікаў выбараў трэба рабіць высновы, якія датычацца і арганізацыі працэсу, і правоў тых, хто ўдзельнічае ў выбарах. Сярод іншага старшыня ЦВК назвала пераход да электроннага рэестра выбаршчыкаў.

"Складанне спісаў па ўчастковых выбарчых камісіях паказала, што яны не могуць быць дакладнымі, у іх часта не згадваюцца людзі, якія доўгія гады не ходзяць на выбары", - растлумачыла Лідзія Ярмошына. У новых раёнах Мінска сённяшнія чэргі на выбарчых участках, мяркуючы па ўсім, звязаны з тым, што старшыні таварыстваў індывідуальных забудоўшчыкаў не падалі спісы на грамадзян. Раней людзі, хутчэй за ўсё, галасавалі па іншых адрасах.

Старшыня ЦВК адзначыла, што чэргі на ўчастках узніклі з-за таго, што на цяперашніх выбарах як ніколі шмат людзей прыйшло галасаваць у апошні дзень. "Калі б гэты прыход быў паступовым на працягу датэрміновага галасавання, то мы не сутыкнуліся б з такімі праблемамі. Але справа ў тым, што альтэрнатыўны кандыдат і сілы, якія яго падтрымлівалі, заклікалі беларусаў прыходзіць у апошні дзень, у апошнія гадзіны. На жаль, слухаюць не тых, каго павінны слухаць, не арганізатараў, а палітыканаў. Адсюль такі сумны вопыт", - паскардзілася кіраўнік Цэнтрвыбаркама.

версія для друку

зрабіць стартавай

дабавіць у выбранае