Прамовы і інтэрв’ю
"Як пяюць, так i адпяваюць". Лукашэнка адказаў на пытанне наконт жорсткіх выказванняў у адрас Зяленскага
Фота ТАСС
15 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю тэлеканалу "Аль-Арабія" адказаў на пытанне аб сваіх заявах адносна Уладзіміра Зяленскага, паведамляе БЕЛТА.
У кіраўніка дзяржавы спыталі наконт яго вельмі непрыемных слоў у адрас Зяленскага і аб тым, як гэта суадносіцца з нядаўняй прапановай аб асабістай сустрэчы.
"Можа быць, я недзе і перабраў, але гэта быў адказ на яго заявы неўпапад: "Ды ў нас 500 цэлей, ды мы ведаем, дзе Лукашэнка там знаходзіцца. Мы заўтра ўдарым ракетамі, беспілотнікамі". Я маўчаў. Нават усе дзівіліся, што я маўчаў. Я разумеў: чалавек знаходзіцца пад такім прэсам, малады чалавек, нявопытны, ён не ваенны чалавек. Можа, нешта ў галаве не спрацавала. Я маўчаў. Але калі мне пачалі пагражаць, я вымушаны быў адказаць", - сказаў кіраўнік дзяржавы.
"Калі Уладзімір Аляксандравіч пакрыўдзіўся, я прашу прабачэння ў яго за гэтыя словы. Можа, і не трэба было (іх гаварыць. - Заўвага БЕЛТА), улічваючы тое, што ён усё ж ваюе. Можа, мне і не трэба было так рэзка гаварыць аб гэтым. Але, з іншага боку, ён павінен разумець, што ў нас часта гавораць: як пяюць, так і адпяваюць", - заявіў Аляксандр Лукашэнка.
Прэзідэнт адзначыў, што Уладзіміру Зяленскаму трэба быць больш акуратным і асцярожным. "Тым больш ён цудоўна разумее, што з боку Беларусі, і асабліва з майго боку, нейкіх ваенных дзеянняў чакаць не трэба. З першых дзён вайны я яму прапаноўваў, як дамовіцца, як заключыць мір. І калі б ён мяне тады паслухаў, у 2022 годзе, сёння не было б размовы аб тым, дзе спыніцца - па лініі сутыкнення або яшчэ 13 працэнтаў неадваяванага расіянамі Данбаса аддаць. Але ён мяне тады не паслухаў", - заўважыў беларускі лідар.
"Яму трэба супакоіцца і прыняць гэта як належнае: не трэба мяне правакаваць, беларусаў правакаваць. У Беларусі вельмі шмат людзей, якія хочуць міру гэтак жа, як ён і ўкраінцы", - рэзюмаваў Аляксандр Лукашэнка.
версія для друку
зрабіць стартавай
дабавіць у выбранае