Прамовы і інтэрв’ю

Галоўчанка: мы будзем рабіць усё, каб наступныя пакаленні атрымалі прышчэпку ад вайны

22 сакавіка, Лагойскі раён /Кар. БЕЛТА/. Беларусь будзе рабіць усё магчымае, каб наступныя пакаленні атрымалі прышчэпку ад вайны. Гэта адзначыў старшыня праўлення Нацыянальнага банка Беларусі Раман Галоўчанка пасля ўскладання кветак у "Хатыні".

Як падкрэсліў Раман Галоўчанка, сёння важна зрабіць усё магчымае, каб мемарыяльны комплекс "Хатынь" быў не проста турыстычным аб'ектам на карце краіны.

"І перш за ўсё - адстойваючы сваю пазіцыю неабходнасці захавання гістарычнай праўды, глыбей і глыбей капаючы карані і вытокі тых страшных падзей, якія адбываліся на беларускай зямлі. І пры гэтым вельмі правільна расказваць пра вайну тым, хто аб гэтым ведае толькі па мастацкіх творах і расказах нават не сваякоў", - падкрэсліў Раман Галоўчанка.

Таму ў Беларусі будуюцца музеі, прысвечаныя гісторыі Вялікай Айчыннай вайны, для гэтага адраджаюцца і падтрымліваюцца ў належным стане мемарыялы.

"Трэба ўспомніць, з чаго пачынала свой шлях дэмакратыі Еўропа ў 1990-я гады. Са зносу і забыцця помнікаў вызваліцелям. І праз 30 гадоў там адбываецца мілітарызацыя, адраджаюцца рэваншысцкія настроі. Гэта наглядны прыклад, што можа быць, калі нацыя так ставіцца да сваіх мемарыялаў і да сваёй гістарычнай памяці. Мы такім шляхам не пойдзем і будзем рабіць усё, каб наступныя пакаленні беларусаў атрымалі прышчэпку ад вайны, якую не атрымалі нашы еўрапейскія суседзі", - сказаў Раман Галоўчанка.

версія для друку

зрабіць стартавай

дабавіць у выбранае