Прамовы і інтэрв’ю

Фармацэўтыка, сельская гаспадарка, энергетыка. Дыпламат растлумачыў, чым цікавы адна адной Беларусь i Венгрыя

Фота з архiва

15 верасня, Мінск /Кар. БЕЛТА/. Надзвычайны і Паўнамоцны Пасол Беларусі ў Венгрыі Уладзімір Улаховіч у эфіры тэлеканала СТБ расказаў, чым дзве краіны цікавы адна адной, паведамляе БЕЛТА.

На мінулым тыдні з візітам у Мінску пабываў міністр замежных спраў і знешняга гандлю Венгрыі Петэр Сіярта. Таксама ў нашу краіну прыехалі прадстаўнікі каля 20 венгерскіх кампаній.

"Асноўныя напрамкі, якія прадстаўляюць прадпрыемствы, што прыехалі ў Мінск, - фармацэўтыка і медыцына, сельская гаспадарка, пытанні энергетыкі. Гэта якраз тыя напрамкі, якія даюць магчымасць нам захоўваць той пазітыўны багаж, што ў нас склаўся, і шукаць шляхі для новых крокаў насустрач адзін аднаму", - падкрэсліў Уладзімір Улаховіч.

Паводле яго слоў, у сельскай гаспадарцы абедзве краіны маюць высокаразвіты аграрны сектар. "І Венгрыя, і Беларусь даўно супрацоўнічаюць у галіне жывёлагадоўлі, птушкагадоўлі, асабліва апошнім часам у галіне насенняводства", - звярнуў увагу пасол.

Гаворачы аб супрацоўніцтве ў галіне энергетыкі, Уладзімір Улаховіч звярнуў увагу: "У Астраўцы паспяхова працуе наша БелАЭС. Такі ж праект рэалізуецца ў горадзе Пакш - "Пакш-ІІ". І цалкам зразумела, чаму і кіраўнікі гарадоў гатовы супрацоўнічаць. У цэлым гэты напрамак вельмі паспяхова ў нас развіваецца".

версія для друку

зрабіць стартавай

дабавіць у выбранае