Прамовы і інтэрв’ю

ФАО адзначае ўзрастаючую ролю Беларусі як пастаўшчыка прадуктаў харчавання на сусветныя рынкі

4 снежня, Мінск /Кар. БЕЛТА/. Генеральны дырэктар Харчовай і сельскагаспадарчай арганізацыі ААН (ФАО) Жазэ Грацыяну да Сілва адзначае ўзрастаючае значэнне Беларусі ў якасці пастаўшчыка прадуктаў харчавання на сусветныя рынкі і ролю краіны як значнага рэгіянальнага вытворцы збожжавых культур. Сваю ацэнку кіраўнік ФАО выказаў у Рыме на сустрэчы з беларускай дэлегацыяй, якую ўзначальвае намеснік міністра сельскай гаспадаркі і харчавання Людміла Ніжэвіч, паведамілі БЕЛТА ў прэс-службе Міністэрства замежных спраў.

Жазэ Грацыяну да Сілва падкрэсліў, што ФАО ўскладае асаблівыя надзеі на патэнцыял Беларусі як значнага ў сусветным маштабе вытворцу сельскагаспадарчай тэхнікі, уключаючы сродкі малой механізацыі, запатрабаваныя фермерскімі гаспадаркамі краін, якія сталі на шлях развіцця.

"Генеральны дырэктар вітаў заяўлены кіраўніком беларускай дэлегацыі намер сумесна з Рэгіянальным офісам ФАО па Еўропе і Цэнтральнай Азіі распрацаваць і прыняць краінавую праграму супрацоўніцтва. Гэты дакумент выступіць у якасці арыенціра для ўзаемадзеяння з Беларуссю як краінай - атрымальнікам тэхнічнай дапамогі і адначасова патэнцыяльным партнёрам па садзейнічанню развіццю дзяржаў Паўднёвага паўшар'я, асабліва Лацінскай Амерыкі", - падкрэслілі ў знешнепалітычным ведамстве.

На перагаворах беларускай дэлегацыі з асістэнтам генеральнага дырэктара - рэгіянальным прадстаўніком ФАО па Еўропе і Цэнтральнай Азіі Фернандай Гуэрыеры падрабязна абмеркавана тэма тэхнічнага супрацоўніцтва Беларусі і ФАО з пункту гледжання прававых рамак, а таксама прымяняльна да канкрэтных праектаў у такіх галінах, як харчовая бяспека, абыходжанне з устарэлымі пестыцыдамі, стандартызацыя, распрацоўка заканадаўчых актаў у сферы сельскай гаспадаркі і экспарту сельскагаспадарчай прадукцыі. Агавораны механізмы ўзаемадзеяння па пытанню пашырэння прысутнасці грамадзян Беларусі ў штаце ФАО і Рэгіянальнага офіса ў Будапешце.

Асобная ўвага была ўдзелена тэме развіцця фермерскіх і асабістых падсобных гаспадарак з улікам маючага адбыцца ў 2014 годзе Міжнароднага года сямейных ферм.

У Рыме 3-7 снежня праходзіць 145-я сесія Савета ФАО. У ёй прымае ўдзел беларуская дэлегацыя. 4 снежня прадугледжаны сустрэчы прадстаўнікоў Беларусі з кіраўніцтвам Міжнароднага фонду сельскагаспадарчага развіцця.

версія для друку

зрабіць стартавай

дабавіць у выбранае