Прамовы і інтэрв’ю

Ёзеф Мігаш: хачу зрабіць усё, каб адносіны паміж Славакіяй, Еўрасаюзам i Беларуссю былі намнога лепшыя

11 верасня, Мінск /Кар. БЕЛТА/. Важна, каб адносіны паміж Славакіяй і Беларуссю вярнуліся ў рэчышча канструктыўнага супрацоўніцтва. Такі пункт гледжання выказаў журналістам Надзвычайны і Паўнамоцны Пасол Славацкай Рэспублікі ў Рэспубліцы Беларусь Ёзеф Мігаш перад цырымоніяй уручэння даверчых грамат кіраўніку беларускай дзяржавы, паведамляе карэспандэнт БЕЛТА.

Пасол звярнуў увагу, што раней таксама ўзначальваў дыпламатычную місію Славакіі ў Беларусі: "Я ў 2016 годзе ўжо ўручаў даверчыя граматы і працаваў у вашай краіне. Тады сітуацыя была лепшая, цяпер сітуацыя ў Еўропе і свеце няпростая".

"Я вярнуўся сюды з місіяй пасла і хачу зрабіць усё, каб адносіны паміж Славакіяй, Еўрасаюзам і Беларуссю былі лепшыя, намнога лепшыя і былі заснаваны на прагматызме, супрацоўніцтве, кааперацыі і дружбе", - падкрэсліў дыпламат.

"Сітуацыя, якая рэальна ёсць цяпер, не задавольвае ні беларускі, ні славацкі бок, - прадоўжыў Ёзеф Мігаш. - Думаю, што трэба ўсё зрабіць для яе паляпшэння, і з гэтай мэтай я прыехаў і паспрабую зрабіць, што датычыцца адносін Славакіі і Беларусі, такія крокі, каб мы паступова вярнуліся да таго часу, калі і тавараабарот быў добры, і дагаворна-прававая база. Я прыкладу ўсе намаганні, каб гэта  зрабіць".

версія для друку

зрабіць стартавай

дабавіць у выбранае