Прамовы і інтэрв’ю
Ёханес Хан: Беларусь з'яўляецца перспектыўным рынкам для бізнесу Еўрасаюза
24 мая, Вена /Юлія Огнева - БЕЛТА/. Беларусь з'яўляецца перспектыўным рынкам для бізнесу Еўрапейскага саюза, заявіў сёння журналістам на палях беларуска-еўрапейскага інвестыцыйнага форуму еўрапейскі камісар па Еўрапейскай палітыцы суседства і перагаворах аб пашырэнні ЕС Ёханес Хан, перадае карэспандэнт БЕЛТА.
"Беларусь з'яўляецца новым рынкам для бізнес-супольнасці Еўрапейскага саюза. У Беларусі пражывае больш як 9 млн чалавек, краіна мае вялікі патэнцыял, таму з'яўляецца прывабным месцам для бізнесу", - адзначыў Ёханес Хан.
Паводле яго слоў, краінам неабходна дыверсіфікаваць свой экспарт для таго, каб быць менш залежнымі ад знешніх шокаў і эканамічнай сітуацыі ў асобных дзяржавах.
"Венскі форум: прыцягненне еўрапейскіх інвестыцый у Рэспубліку Беларусь" праходзіць сёння ў сталіцы Аўстрыі. У мерапрыемстве ўдзельнічаюць больш як 120 чалавек. Інтарэсы еўрапейскай дзелавой супольнасці на форуме акрамя аўстрыйскіх кампаній прадстаўляюць бізнесмены з Германіі, Італіі, Балгарыі, Бельгіі, Нідэрландаў, Францыі, Латвіі, Венгрыі, Славакіі. У рабоце форуму прымаюць удзел прэзідэнт Федэральнай палаты эканомікі Аўстрыі Крыстаф Ляйтл, прадстаўнікі Еўрапейскай камісіі і Еўрапейскага банка рэканструкцыі і развіцця, Еўрапалаты, а таксама кіраўнікі палат Заходняй і Цэнтральнай Еўропы.
версія для друку
зрабіць стартавай
дабавіць у выбранае