Прамовы і інтэрв’ю
Эйсмант: Прэзідэнта Беларусі ў ШАС слухаюць i чуюць
Фота з архiва
6 верасня, Мінск /Кар. БЕЛТА/. Прэзідэнта Беларусі ў Шанхайскай арганізацыі супрацоўніцтва слухаюць і чуюць. Аб гэтым у інтэрв'ю тэлеканалу "Першы інфармацыйны" заявіла прэс-сакратар Прэзідэнта Беларусі Наталля Эйсмант, падводзячы вынік рабочага візіту Аляксандра Лукашэнкі ў Кітай, дзе адбыўся саміт ШАС, паведамляе БЕЛТА.
"Самы галоўны вынік, які я магла б падвесці: Прэзідэнта Беларусі ў Шанхайскай арганізацыі супрацоўніцтва слухаюць і чуюць", - заявіла прэс-сакратар.
Наталля Эйсмант адзначыла, што за больш як 10 гадоў работы з Прэзідэнтам не помніць візітаў такой інтэнсіўнасці і такой насычанасці. "Гэта пяцідзённы марафон", - сказала яна.
Наталля Эйсмант падзялілася, што ў яе даволі часта пытаюць пра ўражанні кіраўніка дзяржавы пасля таго ці іншага мерапрыемства або візіту. "Я хачу расказаць абсалютна шчыра. Ну не бывае такога, што Прэзідэнт, вельмі моцна адпрацаваўшы, выйшаў і сказаў: "Цудоўна папрацавалі". І, наадварот, сказаў: "Дзесьці штосьці не атрымалася". Вядома, Прэзідэнт падводзіць вынікі. Вядома, ён пасля гэтага ставіць задачы. У Прэзідэнта ёсць такая прывычка: пасля любога, нават самага ўдалага мерапрыемства ён заўсёды задае пытанне: "Што было дрэнна?" Работа на рэзультат, - расказала Наталля Эйсмант. - І пасля любога самага паспяховага візіту Прэзідэнт таксама добра разумее, што самае галоўнае - гэта тое, што будзе ісці следам за гэтым візітам. Тое, як выбудуюць далей работу яго падначаленыя, тое, як яны будуць рухацца і рэалізоўваць тое, аб чым ён дагаворваецца".
Паводле слоў прэс-сакратара, гэтак жа і адносна візіту ў Кітай на саміт ШАС. "Вядома, мы разумеем, што для нас гэта было вельмі важна. Але самае галоўнае яшчэ наперадзе. Прэзідэнт вельмі шмат пытанняў агучыў. Тых, якія трэба будзе вырашаць у рамках Шанхайскай арганізацыі супрацоўніцтва. Прэзідэнт гаварыў пра вельмі важныя рэчы: пра бяспеку, спрашчэнне гандлёвых працэдур - эканоміка, пра незалежныя фінансавыя інстытуты, лагістыку, транспарт, гуманітарнае вымярэнне, навуку і інавацыі", - сказала Наталля Эйсмант.
версія для друку
зрабіць стартавай
дабавіць у выбранае