Прамовы і інтэрв’ю

Дзяржсакратар СД: наша задача распрацаваць уласны ШІ, заснаваны на традыцыйных каштоўнасцях

11 ліпеня, Віцебск /Алеся Пушнякова - БЕЛТА/. У Саюзнай дзяржаве створаць штучны інтэлект, заснаваны на традыцыйных каштоўнасцях і зразумелы для жыхароў Беларусі і Расіі. Аб гэтым журналістам паведаміў дзяржсакратар СД Сяргей Глазьеў на міжнароднай канферэнцыі "Час Саюзнай дзяржавы: культурная і інфармацыйная прастора", якая праходзіць у рамках "Славянскага базару ў Віцебску", перадае карэспандэнт БЕЛТА.

Дзяржсакратар СД адзначыў, што цалкам згодны са словамі Прэзідэнта Беларусі - штучны інтэлект не можа замяніць чалавечы. "Ад таго, што ўкладваем у штучны інтэлект, як мы яго распрацоўваем, карыстаемся, залежыць эфектыўнасць яго прымянення. Цяпер наша моладзь карыстаецца ў асноўным замежнымі чатамі ШІ - амерыканскімі, кітайскімі. Яны адрозніваюцца. Не ўсе разумеюць, што, давяраючыся ШІ, мы шмат у чым ставім пад маніпуліраванне сваю свядомасць. Я ведаю людзей, якія проста жывуць са штучным інтэлектам, ствараюць свае артыкулы, манаграфіі, абапіраючыся цалкам на дапамогу ШІ. Аднак апошнія прыклады глыбокага тэсціравання ШІ заходняга тыпу паказалі, што адзін са знакамітых чатаў упаў у расізм, нацызм і праслаўленне фашызму. Таму трэба вельмі асцярожна ставіцца да таго, якія каштоўнасці закладваюцца ўнутр ШІ, гэта не адразу бачна", - расказаў Сяргей Глазьеў.

Ён праінфармаваў, што ёсць задача распрацаваць ШІ айчыннага ўзору. "Стаіць задача распрацоўкі нашага ўласнага ШІ, які быў бы заснаваны на нашых традыцыйных каштоўнасцях, якому можна было б давяраць, абапіраючыся на яго, атрымліваць аб'ектыўную інфармацыю", - падкрэсліў дзяржсакратар СД.

версія для друку

зрабіць стартавай

дабавіць у выбранае