Прамовы і інтэрв’ю

"Думаеце, малдаван там чакаюць?" Лукашэнка на сустрэчы з Дадонам даў геапалітычную параду Малдове

12 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка на сустрэчы з малдаўскім палітыкам і экс-прэзідэнтам Ігарам Дадонам даў геапалітычную параду Малдове і заклікаў цаніць сваю зямлю, перадае карэспандэнт БЕЛТА.

"Мая вам парада даўняга палітыка: не рвіцеся вы ні ў якія саюзы (гаворка пра Еўрасаюз. - Заўвага БЕЛТА), ніхто вас нідзе не чакае. Вы бачылі, як любілі еўрапейцы, напрыклад, Украіну. Як толькі Украіна транзітам праз ЕС хацела паставіць збожжа ў мінулым годзе, яе пачалі блакіраваць, не далі правезці. Нават у Афрыку Украіна не магла паставіць гэта збожжа. Паводле той інфармацыі, якую мы атрымліваем. Вы што, думаеце, малдаван там чакаюць і асаблівае будзе стаўленне? Гэтак жа будзе з вашай аграрнай прадукцыяй, віном і гэтак далей і да таго падобнае", - сказаў Прэзідэнт Беларусі.

"Калі ты быў Прэзідэнтам, ты праходзіў ужо ўсё гэта. Я памятаю, калі табе даводзілася прасякаць акно зноў сюды на ўсход - у Беларусь, Расію - для таго, каб жыў народ Малдовы. Таму мая вам парада: шануйце сваю зямлю, няма больш цудоўнага кутка ў свеце, чым Малдова. Мне так здаецца з савецкіх часоў", - дадаў Аляксандр Лукашэнка.

Ён адзначыў, што ў савецкія часы шмат разоў бываў у Кішынёве і не толькі. "Вельмі прыгожы, вельмі добры, вельмі прыстойны народ. І мне вельмі хацелася б, каб менш было там праблем. Калі ад нас нешта залежыць, і ў гэтай сітуацыі, і ў будучым, - скажы, мы будзем побач з нашымі сябрамі", - запэўніў беларускі лідар.

версія для друку

зрабіць стартавай

дабавіць у выбранае