Прамовы і інтэрв’ю

Дапамога кітайскіх кампаній Беларусі для барацьбы з COVID-19 перасягнула $1,6 млн

Цуй Цымін. Фота з архiва

17 красавіка, Мінск /Аліна Грышкевіч - БЕЛТА/. Дапамога кітайскіх кампаній Беларусі для барацьбы з COVID-19 перасягнула $1,6 млн. Аб гэтым карэспандэнту БЕЛТА расказаў Надзвычайны і Паўнамоцны Пасол КНР у Беларусі Цуй Цымін.

"Беларусь у перыяд эпідэміі ў Кітаі COVID-19 аказала вялікую маральную і матэрыяльную падтрымку нашай краіне, - адзначыў кіраўнік дыпмісіі. - Шчырая дапамога, аказаная Беларуссю ў момант цяжкай барацьбы Кітая з эпідэміяй, назаўсёды застанецца ў памяці нашага народа. У час барацьбы з COVID -19 у Беларусі кітайскі народ перажывае разам з беларускім народам гэты цяжкі час".

Многія кітайскія кампаніі, якія пастаянна працуюць у Беларусі, актыўна ўдзельнічаюць у мерапрыемствах бязвыплатнага прадастаўлення медыцынскіх вырабаў беларускаму боку. "Па стане на 15 красавіка, агульная сума медыцынскай гуманітарнай дапамогі, аказанай кітайскімі кампаніямі, склала каля $1,64 млн", - падкрэсліў Цуй Цымін.

China Merchants Group забяспечвае лагістычнае суправаджэнне гэтых гуманітарных грузаў, уключаючы афармленне неабходных працэдур, захоўванне i адпраўку з Пекіна ў Беларусь.

"Хацелася б назваць хаця б некаторыя з кітайскіх кампаній, якія аказваюць дапамогу, - звярнуў увагу пасол. - У прыватнасці, гэта Чайна Мерчантс Груп; дабрачынны фонд Чжэцзян Джылі Холдынг Груп і Лі Шуфу; Кітайская нацыянальная машынабудаўнічая карпарацыя SINOMACH; Кітайская карпарацыя інжынірынгу САМС; Bel Huawei Technologies Co., Ltd.; 25-я Кампанія кітайскай карпарацыі па чыгуначным будаўніцтве; CITIC Construction; ZOOMLION; Пекін Юні-Канстракшн Груп; Паўночнакітайскія электраэнергетычная праектная кампанія пры кітайскай электраэнергетычнай інжынерна-кансультацыйнай карпарацыі; Кітайская карпарацыя металургіі і будаўніцтва MCC15; Кітайская нацыянальная электратэхнічная інжынірынгавая кампанія; ААТ "ВЕЙЧАЙ ХОЛДЫНГ"; даччыная кампанія галаўной кампаніі па міжнародным тэхніка-эканамічным супрацоўніцтве правінцыі Ганьсу КНР у Беларусі (ТАА "СІГІКОП-Бел"); ZTE Corporation; Кітайская чыгуначная будаўнічая карпарацыя нумар 9".

Першая партыя грузу з Кітая, як чакаецца, прыбудзе ў Мінск 17 красавіка. "Гэта будзе спецрэйс з Пекіна ў Мінск, арганізаваны беларускім пасольствам у Кітаі", - расказаў Цуй Цымін.

У складзе грузу - тэсты на вызначэнне каранавіруса, рэспіратары, медыцынскія маскі, пульсаксіметры, медыцынскія ахоўныя касцюмы, ахоўныя акуляры, інфрачырвоныя тэрмометры, аднаразовыя медыцынскія пальчаткі і іншае.

Акрамя гэтага, груз будзе ўключаць таксама дапамогу, прадастаўленую правінцыямі і гарадамі Кітайскай Народнай Рэспублікі, якія ўстанавілі пабрацімскія адносіны з рэгіёнамі Беларусі. Гэта правінцыі Ганьсу, Хубэй, Хэнань, Хунань, Гуандун, Шаньдун, Цзянсу, а таксама гарады Чунцын, Цяньцзінь, Шанхай і іншыя.

версія для друку

зрабіць стартавай

дабавіць у выбранае