VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

11 Лют 2016

Чэрнік: Беларускія музеі ўсё часцей знаходзяць магчымасць прадставіць рарытэты

Чэрнік: Беларускія музеі ўсё часцей знаходзяць магчымасць прадставіць рарытэты

11 лютага, Мінск /Кар. БЕЛТА/. Беларускія музеі ўсё часцей знаходзяць магчымасць прадставіць гледачам рарытэты. Аб гэтым паведаміў сёння на адкрыцці выстаўкі ў Нацыянальным гістарычным музеі Беларусі намеснік міністра культуры Васіль Чэрнік, перадае карэспандэнт БЕЛТА.

Паводле слоў намесніка міністра, усё часцей публіка атрымлівае магчымасць убачыць арыгіналы экспанатаў, чый узрост вылічаецца не адной сотняй гадоў. Прыклад такой дзейнасці - міжнародная выстаўка "Радзівілы. Вялікая эпоха князёў", якая падрыхтавана сумесна беларусамі і літоўцамі. Усе прадстаўленыя на выстаўцы прадметы - арыгінальныя. Наведвальнікі змогуць убачыць рэчы, якія былі сведкамі жыцця і дзейнасці прадстаўнікоў вялікага роду.

Міжнародная выстаўка "Радзівілы. Вялікая эпоха князёў"На выстаўцы ў Нацыянальным гістарычным музеі можна ўбачыць рэдкія кніжныя выданні XVI-XVIII стагоддзяў, галоўнае з якіх - Біблія 1563 года, надрукаваная ў Брэсце. Сярод экспанатаў з Літвы - каларытныя вырабы мастацкага ліцця і коўкі, паліхромныя пліткі. Беларускі бок разам з іншымі экспанатамі прадставіць дакументы XVI-XIX стагоддзяў са Слуцкага Свята-Троіцкага праваслаўнага манастыра. Расшыфраваныя дакументальныя тэксты адлюстроўваюць розныя бакі жыцця грамадства мінулых стагоддзяў. Большасць гэтых архіўных крыніц раней не выносілася на публічны агляд.

Міжнародная выстаўка "Радзівілы. Вялікая эпоха князёў"Удзельнікамі выстаўкі з Літвы з'яўляюцца Біржайскі краязнаўчы музей "Села", Кедайняйскі краязнаўчы музей, Нацыянальны музей "Палац вялікіх князёў літоўскіх" (Вільнюс). З боку Беларусі ў праекце ўдзельнічае акрамя Нацыянальнага гістарычнага музея Нацыянальная бібліятэка.

Выстаўка дэманстравалася ў Літве, цяпер яе прымае Беларусь. Яна будзе працаваць з 11 лютага па 28 сакавіка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход