Прамовы і інтэрв’ю
Чаму Прэзідэнта Беларусі называюць Бацькам? Меркаванне журналіста з ЗША
19 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка - шчыры чалавек, які змагаецца за простых людзей. Аб гэтым заявіў вядучы RT, аўтар праграмы "Эфект Санчэса" Рык Санчэс у эфіры тэлеканала "Беларусь 1", паведамляе БЕЛТА.
"Таму што ён шчыры, а шчырасць - гэта тое, што мы звычайна не бачым у палітыкаў. Калі ён размаўляе з вамі, у вас узнікае адчуванне, што вы размаўляеце са звычайным чалавекам, а не з палітыкам. Ім ніхто не кіруе, ён не марыянетка", - заявіў Рык Санчэс.
Паводле яго слоў, на Захадзе ёсць лідары, якія, як правіла, з'яўляюцца марыянеткамі. Яны працуюць у інтарэсах людзей, якія стаяць над імі. Часта дзеля грошай.
"І здаецца, што ў гэтага хлопца (Лукашэнкі) вельмі моцны антыкарупцыйны інстынкт. Як у мяне, таму што я маленькі чалавек, які вырас у беднасці. І мой бацька заўсёды вучыў мяне змагацца за простых людзей. Я думаю, што спадар Лукашэнка змагаецца за простых людзей, вось чаму ён вельмі паспяховы. І я думаю, менавіта таму людзі яго так называюць (Бацькам. - Заўвага БЕЛТА). Яны нібыта лічаць яго часткай сваёй сям'і", - лічыць вядучы RT.
Рык Санчэс прывёз у падарунак кіраўніку беларускай дзяржавы сваю кнігу, дзе разважае аб тым, чаму новай Амерыцы надакучыла старая палітыка. Напісана яна была ў часы, калі Барак Абама балаціраваўся ў прэзідэнты ЗША.
"Дзякуй, што змагаецеся за дабро", - падпісаў для Аляксандра Лукашэнкі сваю кнігу журналіст.
"Я папрашу свайго малодшага сына (ён у мяне бліскуча валодае англійскай мовай), каб ён асноўнае прачытаў мне", - адзначыў Аляксандр Лукашэнка.
"Магчыма, возьмем яго на рыбалку?" - удакладніў Рык Санчэс.
"З вялікім задавальненнем", - згадзіўся беларускі лідар.
Прэзідэнт Беларусі 17 красавіка даў інтэрв'ю тэлеканалу RT. У час размовы было закранута самае шырокае кола пытанняў - ад унутранага вектара развіцця Беларусі да актуальнай геапалітычнай сітуацыі. Аляксандр Лукашэнка выказаў свой пункт гледжання аб канфліктах на Блізкім Усходзе і ва Украіне, беларуска-амерыканскіх адносінах, палітыцы краін Еўрасаюза і міжнароднай абстаноўцы.
версія для друку
зрабіць стартавай
дабавіць у выбранае