VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

2 Жнв 2016

Бусько: Беларусь разлічвае на выгадныя эканамічныя праекты з краінамі Лацінаамерыканскага парламента

Бусько: Беларусь разлічвае на выгадныя эканамічныя праекты з краінамі Лацінаамерыканскага парламента

2 жніўня, Мінск /Кар. БЕЛТА/. Беларусь разлічвае на выгадныя эканамічныя праекты пасля атрымання Нацыянальным сходам статусу наглядальніка ў Лацінаамерыканскім парламенце. Аб гэтым заявіў сёння журналістам старшыня Пастаяннай камісіі Палаты прадстаўнікоў па міжнародных справах Віталь Бусько, перадае карэспандэнт БЕЛТА.

Віталь Бусько адзначыў, што Лацінаамерыканскі парламент - аўтарытэтная міжнародная арганізацыя, якая аб'ядноўвае заканадаўчыя органы 23 дзяржаў. Між тым Беларусь ужо мае пэўныя эканамічныя напрацоўкі з асобнымі краінамі, што з'яўляюцца яе ўдзельнікамі (напрыклад, Эквадор і Куба). "Інакш кажучы ў нас ужо ёсць базавыя пляцоўкі, якія дапамогуць замацавацца ў рэгіёне", - лічыць парламентарый.

Удзел у рабоце асамблеі Лацінаамерыканскага парламента дае магчымасць, падключыўшы дыпламатычныя каналы, весці перагаворы непасрэдна з любым з кіраўнікоў парламентаў краін - членаў аб'яднання. "Вельмі добры прыклад, які нас натхняе, - гэта Міжпарламенцкая асамблея АСЕАН. У 2011 годзе Нацыянальны сход атрымаў пры ёй статус наглядальніка, і да гэтага часу ўсе спікеры парламентаў краін - членаў АСЕАН пабывалі ўжо ў Беларусі. Больш таго, В'етнам - адзін з актыўных членаў гэтага аб'яднання - заключыў пагадненне аб зоне свабоднага гандлю з Еўразійскім эканамічным саюзам, удзельнікам якога з'яўляецца Беларусь", - заўважыў дэпутат.

Ён выказаў меркаванне, што па такой схеме будзе выбудоўвацца работа і з Лацінаамерыканскім парламентам. "Мы запыталі ў кіраўніцтва (штаб-кватэра знаходзіцца ў Панаме) графік асноўных мерапрыемстваў на гэты і наступны год, і я лічу, што беларуская дэлегацыя прыме ўдзел у рабоце бліжэйшай асамблеі Лацінаамерыканскага парламента. Такім чынам, пачнецца больш актыўны палітычны міжпарламенцкі працэс, які выльецца ў канкрэтныя эканамічныя праекты паміж намі і гэтым перспектыўным рэгіёнам", - сказаў старшыня пастаяннай камісіі.

Як паведамлялася, зварот у Лацінаамерыканскі парламент з просьбай атрымання статусу пастаяннага наглядальніка ў гэтай арганізацыі быў накіраваны Беларуссю ў 2014 годзе. За гэты час праведзена сур'ёзная работа па юрыдычным афармленні адпаведнага статусу. Вынікам стала падпісанне 28 сакавіка 2016 года пагаднення аб супрацоўніцтве паміж Нацыянальным сходам і Лацінаамерыканскім парламентам.

У Палату прадстаўнікоў паступіла пісьмо генеральнага сакратара Лацінаамерыканскага парламента, што пацвярджае акрэдытацыю ў якасці пастаяннага наглядальніка пры розных яго органах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход