Прамовы і інтэрв’ю

"Без усялякіх парадных выслоўяў, у яго па справе ўсё". Платошкін аб акцэнтах Лукашэнкі на саміце ЕАЭС

Фота з архiва

28 чэрвеня, Мінск /Кар. БЕЛТА/. У праекце "У тэме" на YouTube-канале БЕЛТА доктар гістарычных навук Мікалай Платошкін выказаў меркаванне аб важнасці акцэнтаў, на якіх сканцэнтраваў увагу Прэзідэнт Беларусі Аляксандр Лукашэнка ў час саміту ЕАЭС, у таксама аб тым, што словы беларускага лідара падмацоўваюцца справай.

Адказваючы на ​​пытанне, чаму ў час саміту ЕАЭС Прэзідэнт Беларусі Аляксандр Лукашэнка акцэнтаваў увагу на важнасці развіцця ўнутранага рынку, развіцця прамысловага патэнцыялу і кааперацыі, а таксама харчовай бяспекі, Мікалай Платошкін адзначыў: "Аляксандр Рыгоравіч сказаў: калі мы не будзем развівацца, нас самнуць. Ён сказаў, затопчуць, па-мойму, але сэнс адзін і той жа, вядома. І Лукашэнка вылучыў вось якую рэч, што вельмі важна, трэба развіваць апрацоўчую прамысловасць. У мінулым годзе былі прыняты рашэнні ў Еўразійскім эканамічным савеце, але яны, на думку беларускага Прэзідэнта, пакуль не выконваюцца".

Доктар гістарычных навук падкрэсліў, што словы Аляксандр Лукашэнка падмацоўвае дзеяннямі: "Ён выратаваў "Растсельмаш", чаго ўжо там гаварыць, ад поўнага краху, гэта растоўскі завод, дзе вырабляюць камбайны. Мы былі на Кіраўскім заводзе, флагмане нашага агульнага трактарабудавання некалі. Яны гавораць, што без беларускай дапамогі не выстаялі б. Там дырэктар пастаянна ездзіць у Беларусь, і там прамысловая кааперацыя наладжана".

"Я ўдзельнічаў у стварэнні эканамічнага саюза. Тады мы рыхтавалі агульныя стандарты. Саюз - гэта калі не проста адзіны рынак, а гэта калі знешні гандаль усіх краін-удзельніц дзейнічае аднолькава. І Беларусь тады пайшла на вельмі вялікія ўступкі. Мы рыхтавалі агульныя стандарты Мытнага саюза, апісанне кожнага тавару, каб гэты тавар з пункту гледжання знешняга гандлю ўсюды ўспрымаўся аднолькава. Усё, што датычыцца прамысловых вырабаў, рыхтавала Беларусь тады, таму што кадры засталіся, якія не проста гэта робяць, а яшчэ могуць гэта апісаць нармальна. Гэта было ў 2010 годзе. І Беларусь усё гэта захавала і прымножыла", - падкрэсліў Мікалай Платошкін. Ён звярнуў увагу, што ў Расіі сітуацыя шэрага заводаў, у тым ліку Кіраўскага, даволі складаная: "У нас на 20 працэнтаў у першым квартале ўпалі продажы сельгасмашын. Але гэта ўсё звязана з палітыкай нашага Цэнтрабанка, са стаўкамі".

Мікалай Платошкін адзначыў, што асобная ўвага беларускага лідара на саміце ЕАЭС была сканцэнтравана на харчовай бяспецы. "У нас (у Расіі. - Заўвага БЕЛТА) спынены імпарт насеннага бульбянога матэрыялу фактычна ў мінулым годзе. Вынік у наяўнасці. Быў вялікі інстытут бульбаводства пад Масквой, які працаваў на Беларусь у савецкі час, наогул на ўсю краіну. Ён і цяпер існуе, вядома, там яшчэ нешта тлее", - дадаў доктар гістарычных навук.

Вяртаючыся да тэмы выступлення беларускага лідара, Мікалай Платошкін сказаў: "У Лукашэнкі, як заўсёды, без усялякіх парадных, што называецца, выслоўяў, у яго па справе ўсё". "Выступленне Лукашэнкі правільнае. Ён яшчэ сказаў, што ў нас жа не месца для тэарэтычных дыскусій, хоць, ён сказаў, што і гэта нядрэнна, але трэба прымаць нейкія практычныя захады, перш за ўсё менавіта ў апрацоўчай прамысловасці", - рэзюмаваў ён.

версія для друку

зрабіць стартавай

дабавіць у выбранае