VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

21 Снж 2016

Беларуска-кітайскія культурныя сувязі дынамічна развіваюцца

Беларуска-кітайскія культурныя сувязі дынамічна развіваюцца

21 снежня, Мінск /Аліна Грышкевіч - БЕЛТА/. Беларуска-кітайскія культурныя сувязі дынамічна развіваюцца. Такі пункт гледжання выказаў міністр культуры Беларусі Барыс Святлоў, выступаючы 21 снежня на адкрыцці Кітайскага культурнага цэнтра ў Мінску, перадае карэспандэнт БЕЛТА.

Міністр назваў сімвалічным, што ў Год культуры, які літаральна праз некалькі дзён ужо завяршаецца, адкрыты Кітайскі культурны цэнтр. "Гэта вяха на далейшым шляху беларуска-кітайскіх сувязей, у тым ліку культурных", - сказаў Барыс Святлоў.

"Развіццё супрацоўніцтва з Кітаем - адзін з прыярытэтных напрамкаў знешняй палітыкі Беларусі, - падкрэсліў міністр. - Беларуска-кітайскія гуманітарныя сувязі дынамічна развіваюцца, што абумоўлена давернымі адносінамі паміж нашымі дзяржавамі, агульнасцю прынцыпаў унутранай і знешняй палітыкі".

На яго думку, заснаванне культурных цэнтраў дзвюх краін, як і прадугледжана міжурадавым пагадненнем, будзе садзейнічаць паглыбленню ўзаемаразумення паміж двума народамі, далейшаму развіццю культурнага супрацоўніцтва, пашырэнню дружалюбных адносін і абменаў у гуманітарнай сферы.

У сваю чаргу старшыня таварыства дружбы "Беларусь - Кітай" Анатоль Тозік назваў знакавай падзеяй адкрыццё Кітайскага культурнага цэнтра. Ён падкрэсліў, што роўна праз месяц Беларусь і Кітай будуць адзначаць 25-годдзе ўстанаўлення дыпламатычных адносін. На думку Анатоля Тозіка, развіццё палітычнага, эканамічнага супрацоўніцтва паміж краінамі немагчыма без ведання культуры, звычаяў, традыцый адзін аднаго. "Калі будзем вывучаць культуру адзін аднаго, то адносіны ў цэлым будуць развівацца больш актыўна", - перакананы ён. Анатоль Тозік выказаў меркаванне, што цэнтр будзе садзейнічаць умацаванню ўсебаковага супрацоўніцтва паміж Беларуссю і Кітаем.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход