Прамовы і інтэрв’ю

6 сакавіка, Мінск /Кар. БЕЛТА/. Беларусь рэкамендуе Савету ААН па правах чалавека вярнуцца да строгага выканання базавых прынцыпаў дзейнасці СПЧ, такіх як узаемапаважлівы дыялог, пашырэнне міжнароднага супрацоўніцтва і ўмацаванне патэнцыялу дзяржаў у рэалізацыі ўсяго комплексу правоў чалавека. Аб гэтым заявіў кіраўнік дэлегацыі Беларусі на 28-й сесіі Савета ААН па правах чалавека, пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Міхаіл Хвастоў, выступаючы ў рамках сегмента высокага ўзроўню сесіі, паведамілі БЕЛТА ў прэс-службе МЗС Беларусі.

Кіраўнік беларускай дэлегацыі адзначыў нарастаючую ў рабоце Савета па правах чалавека канфрантацыю і адхіленне ад універсальна ўзгодненых дагаворных абавязацельстваў у галіне правоў чалавека.

З улікам святкавання ў 2015 годзе 70-годдзя Перамогі ў Другой сусветнай вайне і 70-годдзя стварэння Арганізацыі Аб'яднаных Нацый у выступленні Беларусі змяшчалася ацэнка стану спраў у міжнародным супрацоўніцтве па пытаннях правоў чалавека, адзначылі ў прэс-службе.