У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

28 Врс 2018

Беларусь заклікае краіны ААН да больш актыўных дзеянняў па забароне ядзерных выпрабаванняў

Беларусь заклікае краіны ААН да больш актыўных дзеянняў па забароне ядзерных выпрабаванняў
Фота МЗС

28 верасня, Мінск /Кар. БЕЛТА/. Намеснік міністра замежных спраў Беларусі Андрэй Дапкюнас на пасяджэнні ў ААН з нагоды Міжнароднага дня барацьбы за поўную ліквідацыю ядзернай зброі заклікаў краіны да больш актыўных дзеянняў, звязаных з пашырэннем поўнай забароны ядзерных выпрабаванняў. Аб гэтым БЕЛТА паведамілі ў прэс-службе МЗС Беларусі.

"Беларускі дыпламат выказаў усебаковую падтрымку міжнародным намаганням у галіне ядзернага нераспаўсюджвання і раззбраення, а таксама заклікаў да больш актыўных дзеянняў, звязаных з пашырэннем поўнай забароны ядзерных выпрабаванняў", - расказалі ў ведамстве.

У Нью-Ёрку ў час тыдня высокага ўзроўню 73-й сесіі Генасамблеі ААН Андрэй Дапкюнас таксама прыняў удзел у сустрэчы кіраўнікоў знешнепалітычных ведамстваў краін - удзельніц Руху недалучэння. Мерапрыемства было прысвечана захаванню і ўмацаванню патэнцыялу Статута ААН у кантэксце мэт і прынцыпаў Руху недалучэння.

"Намеснік міністра прадставіў пазіцыю Беларусі адносна шляхоў пераадолення глабальнага крызісу ў галіне ўрэгулявання канфліктаў, а таксама звярнуў увагу на неабходнасць дзейнічаць сумесна і на аснове мэт і прынцыпаў Статута ААН для дасягнення міжнароднага міру і бяспекі. Па выніках сустрэчы была прынята сумесная палітычная дэкларацыя", - адзначылі ў МЗС.

Гэтымі днямі ў офісе ААН адбылося ўрачыстае адкрыццё дакументальнай фотавыстаўкі "Перакладчыкі ў дзеянні: садзейнічаючы міру", прысвечанай святкаванню Міжнароднага дня перакладу ў ААН (30 верасня). Рашэнне аб заснаванні гэтага свята было прынята вясной 2017 года па беларуска-азербайджанскай ініцыятыве.

Фотавыстаўку, арганізаваную Беларуссю, Азербайджанам і Туркменістанам, адкрыў Андрэй Дапкюнас. "Яна дэманструе работу перакладчыкаў у міратворчых і мірабудаўнічых місіях і з'ўляецца элементам намаганняў Беларусі па пашырэнні ідэі неабходнасці ўзмацнення юрыдычнай і фізічнай абароны перакладчыкаў, якія працуюць у небяспечных умовах", - звярнулі ўвагу ў міністэрстве.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс