Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

6 Лют 2015

Беларусь заклікае ААН больш актыўна садзейнічаць умацаванню інстытута традыцыйнай сям'і

Беларусь заклікае ААН больш актыўна садзейнічаць умацаванню інстытута традыцыйнай сям'і

6 лютага, Мінск /Таццяна Паляжай - БЕЛТА/. Беларуская дэлегацыя прымае ўдзел у рабоце 53-й сесіі Камісіі ААН па сацыяльным развіцці, якая праходзіць у штаб-кватэры ААН у Нью-Ёрку. Аб гэтым БЕЛТА паведамілі ў прэс-службе беларускага знешнепалітычнага ведамства.

Начальнік галоўнага ўпраўлення шматбаковай дыпламатыі МЗС Беларусі Юрый Амбразевіч у час дыскусіі высокага ўзроўню, прысвечанай пераасэнсаванню ролі сацыяльнага развіцця ў сучасным свеце, праінфармаваў удзельнікаў аб беларускай мадэлі, асноўных напрамках і дасягненнях Беларусі ў гэтай галіне.

Юрый Амбразевіч адзначыў, што інвестыцыі беларускай дзяржавы ў адукацыю, ахову здароўя, прафесійную падрыхтоўку і стварэнне новых магчымасцей для забеспячэння занятасці і дастойнай работы насельніцтва ў перспектыве прынясуць значныя сацыяльныя і эканамічныя вынікі.

У кантэксце пераасэнсавання ролі сацыяльнага развіцця прадстаўнік Беларусі падзяліўся нацыянальным вопытам па развіцці адукацыйных праграм і стварэнні рабочых месц, звязаных з "зялёнай" эканомікай у сферах энергетыкі, транспарту, перапрацоўкі адходаў.

Юрый Амбразевіч падкрэсліў неабходнасць удзяліць належную ўвагу пытанням сацыяльнай падтрымкі моладзі, людзей пажылога ўзросту і інвалідаў, умацаванню інстытута традыцыйнай сям'і ў будучым глабальным парадку дня развіцця на перыяд пасля 2015 года. Прадстаўнік МЗС Беларусі заклікаў ААН больш актыўна садзейнічаць ажыццяўленню нацыянальных і міжнародных стратэгій, праграм і ініцыятыў, накіраваных на ўмацаванне сям'і як асноўнай ячэйкі грамадства.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі