У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Прамовы і інтэрв’ю

Прамовы і інтэрв’ю

4 Сак 2019

Беларусь уваходзіць у дзясятку краін з самым вялікім аб'ёмам інвестыцый ЕБРР

Беларусь уваходзіць у дзясятку краін з самым вялікім аб'ёмам інвестыцый ЕБРР

4 сакавіка, Мінск /Кар. БЕЛТА/. Беларусь уваходзіць у дзясятку краін з самым вялікім аб'ёмам інвестыцый Еўрапейскага банка рэканструкцыі і развіцця. Аб гэтым заявіў сёння журналістам прэзідэнт ЕБРР Сума Чакрабарці пасля сустрэчы з Прэзідэнтам Беларусі, перадае карэспандэнт БЕЛТА.

"На працягу апошніх гадоў, што мінулі з моманту маёй першай сустрэчы з Прэзідэнтам Беларусі ў 2015 годзе,  мы забяспечылі вельмі сур'ёзны рост інвестыцый у беларускую эканоміку. У мінулым годзе інвестыцыі дасягнулі рэкордных $400 млн. Такім чынам, Беларусь стала адной з 10 краін, на якія прыпадае найбольшы аб'ём інвестыцый ЕБРР", - растлумачыў Сума Чакрабарці.

Паводле яго слоў, дасягненне такіх высокіх паказчыкаў абумоўлена стратэгічным курсам Беларусі і эфектыўнай палітыкай, якая рэалізуецца ў краіне. Для інвестараў вельмі пазітыўным фактарам з'яўляецца стабільная палітычная і макраэканамічная сітуацыя ў Беларусі. "Калі мы дамовіліся аб нечым з Прэзідэнтам, урадам Беларусі, то мы на 100 працэнтаў упэўнены, што гэта будзе рэалізавана. У многіх іншых краінах сітуацыя складваецца інакш, - сказаў прэзідэнт ЕБРР. - У Беларусі палітыка з'яўляецца вельмі стабільнай. Калі нешта вырашаецца - гэта заўсёды рэалізуецца на практыцы. Гэта вельмі добра для інвестыцыйнага клімату, вельмі прывабна для замежных інвестараў".

У час сённяшняй сустрэчы абмяркоўваўся ўдзел ЕБРР у розных праектах. У прыватнасці, банк плануе ўкласці сродкі ў інфраструктурныя праекты па рэканструкцыі мастоў.

Як растлумачыў журналістам міністр эканомікі Беларусі Дзмітрый Крутой, праект фінансавання рэканструкцыі і будаўніцтва мастоў у Беларусі ўжо абмяркоўваўся з менеджментам ЕБРР. "Гэта масты Мінтранса - рэспубліканскія і масты муніцыпальныя - у сістэме жыллёва-камунальнай гаспадаркі на ўзроўні аблвыканкамаў. Два вялікія праекты - сумарна пад 60 мастоў недзе на 150-160 млн еўра", - расказаў міністр.

Акрамя таго, у Мінску рэалізуецца сумесны з ЕБРР муніцыпальны праект па рэканструкцыі сістэм водазабеспячэння і водаадвядзення, аднаўленні, уцяпленні жылога фонду. Калі праект у сталіцы будзе рэалізаваны паспяхова, аналагічныя ініцыятывы могуць з'явіцца ў іншых гарадах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску