Прамовы і інтэрв’ю

Беларусь - гэта прыгажосць i гасцінная атмасфера. Пасол Пакістана падзяліўся першымі ўражаннямі аб нашай краіне

11 сакавіка, Мінск /Кар. БЕЛТА/. Беларусь - прыгожая краіна, якая стабільна развіваецца. Такі пункт гледжання выказаў карэспандэнту БЕЛТА Надзвычайны і Паўнамоцны Пасол Ісламскай Рэспублікі Пакістан у Рэспубліцы Беларусь Айджаз Мухамад перад цырымоніяй уручэння даверчых грамат 11 сакавіка ў Палацы Незалежнасці.

Пасол падкрэсліў, што рады прыезду ў Беларусь для выканання сваёй дыпламатычнай місіі. Яго першыя ўражанні аб нашай краіне - самыя пазітыўныя. "Добрая, гасцінная атмасфера і прыгажосць - такой я ўбачыў Беларусь", - сказаў дыпламат.

Ён лічыць, што патэнцыял двухбаковага супрацоўніцтва далёка не вычарпаны. "Шмат што трэба будзе зрабіць. І мы гатовы вывесці беларуска-пакістанскія кантакты на новы, больш высокі ўзровень, - адзначыў Айджаз Мухамад. - Я разлічваю на ўмацаванне адносін паміж Беларуссю і Пакістанам".

версія для друку

зрабіць стартавай

дабавіць у выбранае