У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

30 Сак 2017

Андрэйчанка: Парламенцкую дыпламатыю можна актыўней задзейнічаць пры падрыхтоўцы дарожных карт супрацоўніцтва

Андрэйчанка: Парламенцкую дыпламатыю можна актыўней задзейнічаць пры падрыхтоўцы дарожных карт супрацоўніцтва

30 сакавіка, Мінск /Кар. БЕЛТА/. Рэсурс парламенцкай дыпламатыі можна актыўней задзейнічаць пры падрыхтоўцы і рэалізацыі дарожных карт і праграмных дакументаў, падпісаных з замежнымі краінамі. Такое меркаванне выказаў 30 сакавіка старшыня Палаты прадстаўнікоў Уладзімір Андрэйчанка ў ходзе семінара, прысвечанага актуальным пытанням міжнароднай дзейнасці і міжпарламенцкага супрацоўніцтва Беларусі, перадае карэспандэнт БЕЛТА.

Паводле слоў спікера, дэпутаты імкнуцца задзейнічаць парламенцкую дыпламатыю для садзейнічання ў развіцці гандлёва-эканамічных сувязей, вытворчай кааперацыі, рэалізацыі перспектыўных інвестыцыйных праектаў. "Каб гэта работа ажыццяўлялася эфектыўна і скаардынавана, неабходна пастаянна ўзаемадзейнічаць з урадам, Міністэрствам замежных спраў, галіновымі міністэрствамі і ведамствамі. Дэпутаты гатовы прымаць самы актыўны ўдзел у рабоце міжурадавых камісій і камітэтаў, дзелавых форумах і іншых двухбаковых мерапрыемствах. Думаю, што рэсурс парламенцкай дыпламатыі можна актыўней задзейнічаць пры падрыхтоўцы і рэалізацыі дарожных карт і праграмных дакументаў, падпісаных з замежнымі краінамі, бо дэпутаты па прычыне свайго статусу могуць уздымаць вельмі актуальныя тэмы, а парламенцкія кантакты часта аказваюцца дзейсным альтэрнатыўным шляхам для таго, каб "расшыць" вузкія месцы ў міждзяржаўных адносінах", - заўважыў старшыня Палаты прадстаўнікоў.

Ён лічыць, што станоўча зарэкамендавала сябе такая форма супрацоўніцтва, як арганізацыя і правядзенне сумесных візітаў парламенцкай дэлегацыі і дэлегацыі прадстаўнікоў дзелавых колаў Беларусі ў замежныя дзяржавы. Гэта дае магчымасць комплексна вырашаць знешнепалітычныя і знешнеэканамічныя задачы. Напрыклад, з 9 па 13 красавіка беларуская парламенцкая дэлегацыя ў такім фармаце плануе ажыццявіць візіт у Пакістан. Плануецца абмеркаваць вялікі блок пытанняў аб рэалізацыі праектаў у сельскагаспадарчай сферы.

Уладзімір Андрэйчанка таксама паведаміў, што ў Нацыянальным сходзе шостага склікання для ажыццяўлення кантактаў, умацавання і развіцця сувязей сфарміравана 70 рабочых груп па супрацоўніцтве з парламентамі замежных дзяржаў, дзве міжпарламенцкія камісіі па супрацоўніцтве з Нацыянальным сходам Арменіі і Вярхоўнай радай Украіны, а таксама 13 дэлегацый для работы з міжнароднымі арганізацыямі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс